Maharashtra Cabinet Meeting | राज्य मंत्रिमंडळाच्या बैठकीतून अजित पवार तडकाफडकी उठून गेल्याने चर्चांना उधाण; विरोधकांनीही साधला निशाणा
मुंबई : Maharashtra Cabinet Meeting | आचारसंहितेला काही अवधी बाकी असताना राज्य मंत्रिमंडळाची बैठक काल (दि.१०) पार पडली. यामध्ये अनेक निर्णय घेण्यात आले. विधानसभा निवडणुकीपूर्वीची (Maharashtra Assembly Election 2024) मंत्रिमंडळाची शेवटची बैठक मानली जात आहे.
https://www.instagram.com/p/DA-P_CJpvZQ
मात्र, या बैठकीला सुरुवात झाल्यानंतर काही मिनिटांमध्येच उपमुख्यमंत्री तथा अर्थमंत्री अजित पवार (Ajit Pawar) या बैठकीतून उठून गेल्याने राजकीय वर्तुळात चर्चांना सुरुवात झाली आहे. मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस (Devendra Fadnavis) शेवटपर्यंत मंत्रिमंडळाच्या या बैठकीत उपस्थित होते.
https://www.instagram.com/p/DA-NipwJAV9
माध्यमांनी दिलेल्या वृत्तानुसार, अजित पवार या बैठकीत जेमतेम १० मिनिटं बसले. उद्योगपती रतन टाटा (Ratan Tata) यांना श्रद्धांजली वाहण्याचा कार्यक्रम झाल्यानंतर अजित पवार मंत्रिमंडळाच्या बैठकीतून लगेच निघून गेले.
https://www.instagram.com/p/DA-KmqUiJzg
त्यानंतर तब्बल दोन ते अडीच तास ही बैठक सुरु होती. या बैठकीत तब्बल ३८ महत्त्वाचे निर्णय घेण्यात आले. यापैकी बहुतांश निर्णय हे राज्याच्या आर्थिक तिजोरीवर भार टाकणारे होते. परंतु, हे निर्णय घेतले जात असताना अर्थमंत्री अजित पवार हेच या बैठकीला उपस्थित नव्हते.
https://www.instagram.com/p/DA8uAzBJgSY
राज्यातील कारभार आणि महत्त्वाच्या आर्थिक निर्णयांचे प्रस्ताव आपल्यासमोर शेवटच्या क्षणी आणले जातात. त्यासाठी योग्य त्या प्रक्रियेचे पालन होत नाही. मंत्रिमंडळाच्या बैठकीला काहीवेळ उरला असताना आपल्यासमोर प्रस्ताव ठेवले जातात, असा एक सूर अजित पवारांचा होता अशी माहिती मिळतेय.
https://www.instagram.com/p/DA8qCRMiPX1
गेल्या काही दिवसांमध्ये अर्थखात्याने मंत्रिमंडळ बैठकीत मांडण्यात आलेल्या अनेक निर्णयांबाबत प्रश्न उपस्थित केले होते. त्यामुळे अजित पवार हे गुरुवारच्या मंत्रिमंडळाच्या बैठकीतून निघून जाण्याचे अनेक राजकीय अर्थ काढले जात आहेत.
https://www.instagram.com/p/DA8ogY2JDG9
यावरूनच आता विरोधकांनीही यावर प्रतिक्रिया देताना महायुतीतून (Mahayuti) अजित पवारांना बाहेर काढण्यासाठी भाजप (BJP) आणि
शिवसेना शिंदे गटाकडून (Shivsena Shinde Group) त्यांना सन्मानाची वागणूक दिली जात नसल्याचे
विरोधी पक्षनेते विजय वडेट्टीवार (Vijay Wadettiwar) यांनी म्हंटले आहे. (Maharashtra Cabinet Meeting)
https://www.instagram.com/p/DA8ltVvp4YI
Follow puneriawaz.co.in :https://puneriawaz.co.in/
हे देखील वाचा
Ajit Pawar NCP | अजित पवारांच्या दौऱ्याकडे माजी आमदाराची पाठ, घरवापसीची चर्चा;
अजित पवारांना आणखी एक धक्का
Maharashtra Assembly Election 2024 | मराठा आरक्षणाचा फटका रोखण्यासाठी भाजपचा
‘प्लॅन बी’ तयार; ‘हरियाणा पॅटर्न’ राबवत विधानसभा जिंकण्याची तयारी
Ajit Pawar NCP Vs Sharad Pawar NCP | अजित पवारांचा आमदार घड्याळ सोडत हाती तुतारी घेणार;
राजकीय वर्तुळात चर्चांना उधाण
