Average Per Capita GDP Of USA | अमेरिकनांच्या एक चतुर्थांश इतका पगार होण्यासाठी सुद्धा आपल्याला लागतील 75 वर्ष! जागतिक बँकेच्या नवीन रिपोर्टमध्ये खुलासा
नवी दिल्ली : Average Per Capita GDP Of USA | भारतासह 100 पेक्षा जास्त देशांना पुढील काही दशकात उच्च उत्पन्नाचा देश बनण्यात गंभीर अडथळ्यांचा सामना करावा लागत आहे. भारताला प्रति व्यक्ती अमेरिकन उत्पन्नाच्या एक-चतुर्थांश पर्यंत पोहचण्यासाठी सुद्धा जवळपास 75 वर्ष लागू शकतात. जागतिक बँकेच्या (World Bank) एका अहवालात याबाबत भाष्य करण्यात आले आहे.
जागतिक बँकेचा ‘जागतिक विकास अहवाल 2024 : मध्यम उत्पन्नाचे जाळे’, च्यानुसार चीनला प्रति व्यक्ती अमेरिकन उत्पन्नाच्या एक-चतुर्थांश पर्यंत पोहोचण्यास 10 वर्षापेक्षा जास्त आणि इंडोनेशियाला जवळपास 70 वर्ष लागतील.
या अहवालात मागील 50 वर्षाच्या अनुभवाच्या आधारावर नमूद करण्यात आले आहे की, जस-जसे देश श्रीमंत होत जातात, ते सामान्यपणे प्रति व्यक्ती वार्षिक अमेरिकन जीडीपीच्या जवळपास 10 टक्केच्या ‘जाळ्यात’ अडकतात. ही 10 टक्के रक्कम आज 8,000 अमेरिकन डॉलरच्या बरोबरीने आहे.
2023 च्या अखेरीस जागतिक बँकेने 108 देशांची मध्यम उत्पन्न वर्ग म्हणून वर्गवारी केली होती. त्यांचा प्रति व्यक्ती वार्षिक जीडीपी 1,136 अमेरिकन डॉलर ते 13,845 अमेरिकन डॉलरच्या दरम्यान होता.
या देशांमध्ये सहा अरब लोक राहतात, जे जागतिक लोकसंख्येच्या 75 टक्के आहेत. जागात प्रत्येक तीनपैकी दोन लोक अति गरीबीत जीवन जगत आहेत. रिपोर्टनुसार, या देशांसाठी पुढील वाटचालीत अनेक आव्हाने आहेत. यामध्ये वेगाने वाढणारी वयोवृद्ध लोकसंख्या आणि वाढते कर्ज, मोठा भू-राजकीय आणि व्यापार तणाव आणि पर्यावरणाचे नुकसान न करता आर्थिक प्रगती, या समस्यांचा समावेश आहे.
ही आव्हाने असूनही मध्यम उत्पन्नवाले अनेक देश अजूनही मागील शतकाच्या धोरणांवर वाटचाल करत आहेत आणि प्रामुख्याने गुंतवणूक वाढविण्यासाठी बनविलेल्या धोरणांवर अवलंबून आहेत.
हे म्हणजे आपली कार पहिल्या गियरमध्ये ठेवून वेगाने चालविण्याचा प्रयत्न करण्यासारखे आहे.
जागतिक बँक गटाचे प्रमुख अर्थतज्ज्ञ आणि विकास अर्थशास्त्राचे वरिष्ठ उपाध्यक्ष इंदरमीत गिल यांनी म्हटले की,
जर हे देश जुन्या धोरणांवरच कायम राहिले, तर यापैकी बहुतांश विकसनशील देश
या शतकाच्या मध्यापर्यंत समृद्ध समाज बनविण्याच्या शर्यतीत मागेच राहतील.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj?igsh=MTRpdmZqcHdqcGM1Yg==
Follow puneriawaz.co.in : https://puneriawaz.co.in/
हे देखील वाचा
Rohit Pawar NCP (SP) | रोहित पवारांना लागले मंत्रिपदाचे वेध?
