Baba Siddique Murder | बाबा सिद्दिकींची हत्या केल्यानंतर मारेकरी पसार न होता लीलावती रुग्णालयातच… , पोलीस चौकशीत मोठा खुलासा

मुंबई: Baba Siddique Murder | राष्ट्रवादी अजित पवार गटाचे नेते (Ajit Pawar NCP), माजी मंत्री बाबा सिद्दीकी हत्या प्रकरणात नवनवे खुलासे समोर येत आहेत. या प्रकरणात पोलिसांनी आतापर्यंत १७ जणांना अटक केली आहे. सिद्दिकी यांच्या मारेकऱ्यांविषयीची नवी माहिती समोर आली आहे. मुख्य मारेकरी शिव कुमार गौतम उर्फ शिवाने आपल्या कबुली जबाबामध्ये महत्वाची माहिती दिली आहे. हत्येचा कट कसा रचला, कट कसा यशस्वी केला, गोळीबारानंतर कसे फरार झाले याबाबतचा खुलासा त्याने केला आहे. (Baba Siddique Murder)

१२ ऑक्टोबर रोजी बाबा सिद्दिकींवर गोळीबार केल्यानंतर शिव कुमार गौतम उर्फ शिवा तिथून पळून गेला नाही. बाबा सिद्दिकींना त्यांच्या कार्यकर्त्यांनी लीलावती रुग्णालयात नेलं होतं. त्यामुळे शिवा देखील लीलावती रुग्णालयात गेला. गोळीबारात सिद्दिकी यांचा मृत्यू झाला आहे की नाही याची शहानिशा करून घेण्यासाठी तो तिथे गेला होता.

शिवा तब्बल अर्धात तास रुग्णालयात व रुग्णालयाच्या आवारात फिरत होता. बाबा सिद्दिकींची प्रकृती नाजूक असल्याची माहिती त्याला मिळाली. सिद्दिकी वाचण्याची शक्यता फारच कमी असल्याची माहिती मिळाल्यानंतर शिवा तिथून बाहेर पडला आणि फरार झाला.त्यानंतर तो मुंबईला पळून गेला.अशी माहीती गुन्हे शाखेने केलेल्या चौकशीत शिव कुमार गौतम उर्फ शिवा याने दिली आहे.

त्याला व त्याच्या साथीदारांना पकडण्यासाठी गेलेल्या पोलिसांनी दोन आरोपींना अटक केली. शिवा फरार होण्यात यशस्वी झाला. मात्र पोलिसांना शिव कुमार गौतम उर्फ शिवाला अटक करण्याचे वरिष्ठांचे आदेश आल्यानंतर सहाय्यक पोलीस निरीक्षक अमोल माळी, उपनिरीक्षक स्वप्नील काळे, हवालदार विकास चव्हाण व हवालदार मंगेश सावंत यांनी उत्तर प्रदेशच्या बाहराइचमधून शिवकुमारला अटक केली.

मागील काही दिवसांपासून बाहराइचमध्ये जातीय हिंसाचार चालू आहे.
या गंभीर परिस्थितीतही मुंबई पोलिसांमधील हे चार जवान तब्बल २५ दिवस बाहराइचमध्ये राहीले.
अनेक दिवस त्याचा तपास केल्यानंतर पकडून मुंबईला घेऊन आले आहेत.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/

Follow puneriawaz.co.in :https://puneriawaz.co.in/

हे देखील वाचा

Pune Crime News | हातचलाखीने दागिन्यांच्या दुकानात चोरी करणारे बंटी व बबली पोलिसांच्या जाळ्यात !
पुण्यासह मुंबई, सातारा, सिंधुदुर्ग, ठाण्यातील 9 गुन्हे उघडकीस (Video)

Maharashtra Assembly Election 2024 | अमोल कोल्हेंचा अजित पवारांवर निशाणा; म्हणाले –
‘पक्ष फोडणाऱ्यांना आणि चिन्ह पळवणाऱ्यांना जनता माफ करणार नाही’