Beed Crime News | 18 वर्षीय तरुणाची घरातील आडुला गळफास घेत आत्महत्या
बीड : Beed Crime News | १८ वर्षीय तरुणाने घरातील आडुला गळफास घेऊन आत्महत्या केल्याची घटना गुरुवार (दि.२०) गेवराईत घडली आहे. शिवराज निलेश शेरे (वय-१८ रा. रांजणी, ता. गेवराई, जि. बीड) असे आत्महत्या केलेल्या तरुणाचे नाव आहे. दरम्यान आत्महत्या कशामुळे केली याचे कारण अद्याप स्पष्ट झालेले नाही. या घटनेमुळे रांजणीत हळहळ व्यक्त केली जात आहे. (Suicide News)
अधिक माहितीनुसार, सुगीचे दिवस असल्याने कुटुंबीयातील सर्व सदस्य गहू कापणी करीता शेतात गेले होते. दुपारी दोन वाजताच्या दरम्यान शिवराज शेरे याने घरातील आडुला गळफास घेऊन जीवन संपवलं. शाळेतून त्याचा धाकटा भाऊ घरी आल्यानंतर त्याने हा प्रकार पाहता शेतात कुटुंबीयाकडे धाव घेत घटनेची माहिती दिली.
या घटनेची माहिती गेवराई पोलिसांना माहीती मिळताच तात्काळ घटनास्थळावर दाखल होऊन मृतदेहाचा पंचनामा केला. त्यानंतर गेवराईच्या उपजिल्हा रुग्णालयात शिवराज याच्या मृतदेहाचे रात्री ८ वाजताच्या दरम्यान शवविच्छेदन करण्यात आल्यानंतर रांजणी येथे अंत्यसंस्कार करण्यात आले. दरम्यान, शिवराज हा अकरावीचे शिक्षण घेत होता. अवघ्या १८ वर्षात पदार्पण केलेल्या शिवराज याने कोणत्या कारणाने हे टोकाचे पाऊल उचलले याचे कारण समोर आलेले नाही.
