Cheque Cloning Gang | OTP न देता कसे उडवले जातात बँक खात्यातून लाखो रुपये? बँकवाले, सिमवाले सर्व सहभागी होते या सायबर टोळीत

नवी दिल्ली : Cheque Cloning Gang | उत्तर प्रदेशच्या बुलंदशहर जिल्हा पोलिसांनी शनिवारी अशा दहा लोकांची टोळी पकडली आहे, जे संपूर्ण देशात सायबर गुन्हेगारी करत होते. यासाठी हे लोक क्लोनिंग चेकचा वापर करत होते. ही माहिती वरिष्ठ पोलीस अधीक्षक श्लोक कुमार यांनी दिली आहे.

एसएसपींनी सांगितले की, ज्या लोकांना अटक केली आहे, त्यांच्यात काही बँकेचे जनरेटेर ऑपरेटर होते, ज्यांना डेटा लीक केला. याशिवाय टेलीकॉम कंपन्यांचे एजंट सुद्धा होते, जे सिमकार्ड ट्रान्सफर करत होते. काही लोक असे होते, ज्यांच्या बँक खात्यात रुपये डिपॉझिट केले जात होते.

पोलिसांनी सांगितले की, ही गँग आधी बँक कस्टमरचे चेकबुक चतुराईने चोरी करत होते. ते चेकबुक बँकेत पोहोचण्यापूर्वीच गायब करत होते. यानंतर जेव्हा बँक कस्टमर तक्रार नोंदवत असे, तेव्हा जुने चेकबुक रद्द केले जात होते आणि नवीन चेकबुक जारी केले जात होते. यानंतर ही टोळी नवीन चेकबुकच्या डिटेल्स डिलिव्हरी होण्यापूर्वीच चोरत होती.

पोलिसांनी सांगितले की, ही टोळी एका विशेष केमिकलचा वापर करून चेकबुकवरून जुन्या डिटेल्स काढून टाकायची आणि नवीन चेकबुकच्या डिटेल्स प्रिंट करत होती. यासोबतच कस्टमरच्या खोट्या सहीचा वापर करून पैसे काढून घेत होते.

एका स्थानिक व्यक्तीची १५ लाख रुपयांची फसवणूक सायबर गुन्हेगारांनी केल्यानंतर हे प्रकरण समोर आले. सायबर गुन्हेगारांनी शिताफीने कस्टमरला काहीही कळू न देता त्याच्या चेकचा वापर करून १५ लाख रुपये उडवले होते.

पोलिसांनी सांगितले की, तक्रारदाराने म्हटले की त्याला बँकेकडून कोणताही मेसेज आला नाही की त्याच्या बँक खात्यातून पैसे कापले गेलेत. कस्टमरने जेव्हा पासबुक अपडेट केले तेव्हा १५ लाख गायब झाल्याचे त्याला समजले.

ही एक संघटित टोळी आहे आणि तिचे सदस्य एका टीम प्रमाणे काम करतात.
जसे एखाद्या कंपनी अथवा ऑफिसमध्ये करतात.
अगोदर ते बँकेतून त्या व्यक्तीच्या डिटेल्सची व्यवस्था करायचे.
यानंतर ते त्या व्यक्तीच्या नावाने सिम कार्ड मिळवत असत, ज्याच्यासाठी बनावट कागदपत्रांचा वापर करायचे.

सायबर गुन्हेगार असे भासवत असत की त्या व्यक्तीचा मृत्यू झाला आहे.
यानंतर तो नंबर एका नव्या व्यक्तीच्या नावाने खरेदी केला जात असे.
यानंतर ते बँक डिटेल्स घेत असत. यानंतर ते ओटीपीचा वापर करून रुपये ट्रान्सफर करत असत.
हे पैसे वेगवेगळ्या बँक खात्यात वळवत असत.

या टोळीकडून पोलिसांनी ४२ मोबाईल फोन, १ कार, ३३ सिमकार्ड, १२ चेकबुक, २० पासबुक, १४ सुटे चेक जप्त केले आहेत.
ही टोळी कारच्या डॅशबोर्डवर दिल्ली पोलिसांची कॅप ठेवत होते.
या मदतीने ते सुरक्षा तपासणीतून बचाव करत होते. त्यांच्याकडून एक वॉकी-टॉकी सुद्धा जप्त केला आहे.
ही टोळी दिल्ली, मध्य प्रदेश, हरियाणा, छत्तीसगढ आणि उत्तर प्रदेशसह देशातील अनेक भागात सक्रिय होती.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj?igsh=MTRpdmZqcHdqcGM1Yg==

Follow puneriawaz.co.in : https://puneriawaz.co.in/

हे देखील वाचा

Pune Hit & Run Case | पुणे हिट अँड रन: ऑनड्युटी असलेल्या 2 पोलीस कर्मचाऱ्यांना उडवलं,
एकाचा मृत्यू तर एक गंभीर

Rain In Lonavala Khandala | लोणावळा, खंडाळ्यात संततधार; पाऊस, धुके अन् पर्यटकांची गर्दी

Sharad Pawar On Devendra Fadnavis | “फडणवीसांचा सुरुवातीचा काळ मला चांगला वाटला पण आता…”
शरद पवारांचे मोठे विधान