Friendship cup 2025-punit balan group (PBG) | पुनित बालन ग्रुप तर्फे आयोजित चौथी ‘फ्रेंडशिप करंडक’ 2025 क्रिकेट अजिंक्यपद स्पर्धा !!
रंगारी रॉयल्स्, समर्थ चॅलेंजर, शिवमुद्रा ब्लास्टर्स, रमणबाग फायटर्स उपांत्य फेरीत !!
पुणे : Friendship cup 2025-punit balan group (PBG) | पुनित बालन ग्रुप तर्फे आयोजित पुण्यातील गणपती मंडळ, नवरात्र मंडळ, ढोल-ताशा पथकांच्या संघांचा समावेश असलेल्या चौथ्या ‘फ्रेंडशिप करंडक’ क्रिकेट अजिंक्यपद स्पर्धेत रंगारी रॉयल्स्, समर्थ चॅलेंजर, शिवमुद्रा ब्लास्टर्स आणि रमणबाग फायटर्स या संघांनी आपापल्या प्रतिस्पर्धी संघांचा पराभव करून उपांत्य फेरी गाठली.
सहकारनगर येथील ल.रा. शिंदे हायस्कूल येथील मैदानावर सुरू असलेल्या या स्पर्धेत मॅक परदेशी याने केलेल्या अष्टपैलु खेळीमुळे समर्थ चॅलेंजर संघाने नुमवी स्टॅलियन्स्चा ५७ धावांनी पराभव केला. मॅक परदेशी याने ६० धावा आणि सागर इंदुलकर याने केलेल्या ५७ धावांच्या जोरावर समर्थ चॅलेंजर संघाने १५१ धावांचे लक्ष्य उभे केले. या आव्हानाला उत्तर देताना नुमवी स्टॅलियन्स्चा डाव ९४ धावांवर मर्यादित राहीला. सत्यजीत पाले याने केलेल्या अष्टपैलु खेळीच्या जोरावर रमणबाग फायटर्सने नादब्रह्म सर्ववादक संघाचा २६ धावांनी पराभव करून उपांत्य फेरी गाठली. पहिल्यांदा फलंदाजी करताना रमणबाग फायटर्सने १०८ धावांचे आव्हान उभे केले. याला उत्तर देताना नादब्रह्म सर्ववादक संघाचा डाव ८२ धावांवर रोखण्यात आला.
कैलास व्यास याने केलेल्या ५२ धावांच्या आणि गोलंदाजांच्या अचूक कामगिरीमुळे रंगारी रॉयल्स् संघाने महालक्ष्मी मॅव्हरीक्स्चा ६२ धावांनी सहज पराभव करून अंतिम चार संघांमध्ये आपले स्थान निश्चित केले. पहिल्यांदा फलंदाजी करताना कैलास व्यास याने केलेल्या ५२ धावांमुळे रंगारी रॉयल्स् संघाने १२६ धावांचे लक्ष्य उभे केले. या आव्हानाला उत्तर देताना महालक्ष्मी मॅव्हरीक्स्चा डाव ६४ धावांवर मर्यादित राहीला. आकाश ठक्कर आणि विशाल मुधोळकर यांनी प्रत्येकी दोन गडी बाद करून अचूक गोलंदाजी करून संघाचा विजय सोपा केला. तनिष्क बाबर याने केलेल्या नाबाद ४६ धावांच्या जोरावर शिवमुद्रा ब्लास्टर्स संघाने श्रीराम पथक संघाचा ८ गडी राखून पराभव केल आणि उपांत्य फेरी गाठली. (Friendship cup 2025-punit balan group (PBG))
स्पर्धेचा सविस्तर निकालः उपांत्यपुर्व फेरीः
समर्थ चॅलेंजरः ८ षटकात २ गडी बाद १५१ धावा (मॅक परदेशी ६० (१५, ४ चौकार, ७ षटकार), सागर इंदुलकर ५७ (२१, ६ चौकार, ४ षटकार), तन्मय गायकवाड २९, योगेश खालगांवकर १-१२) वि.वि. नुमवी स्टॅलियन्स्ः ८ षटकात ८ गडी बाद ९४ धावा (तन्मय देशपांडे ५७ (२१, ४ चौकार, ५ षटकार), योगेश खालगांवकर २०, प्रसाद काची ४-११, प्रविण इंगळे २-४); सामनावीरः मॅक परदेशी;
रमणबाग फायटर्सः ८ षटकात ४ गडी बाद १०८ धावा (सत्यजीत पाले ५१ (१९, १ चौकार, ६ षटकार), प्रज्योत शिरोडकर ३५, स्वप्निल घाटे १-१५) वि.वि. नादब्रह्म सर्ववादकः ८ षटकात ४ गडी बाद ८२ धावा (संकेत कंद ४०, प्रतिक खांडवे नाबाद २२, प्रसाद घारे २-७, सत्यजीत पाले २-१९); सामनावीरः सत्यजीत पाले;
रंगारी रॉयल्स्ः ८ षटकात ५ गडी बाद १२६ धावा (कैलास व्यास ५२ (१७, २ चौकार, ६ षटकार), निलेश एस. ३०, विशाल मुधोळकर १८, ओंकार पैलवान १-१७) वि.वि. महालक्ष्मी मॅव्हरीक्स्ः ८ षटकात ७ गडी बाद ६४ धावा (अमित गव्हाणे १२, ओंकार पैलवान ११, आकाश ठक्कर २-१४, विशाल मुधोळकर २-१२); सामनावीरः कैलास व्यास;
श्रीराम पथकः ८ षटकात ७ गडी बाद ६८ धावा (आशिष मांडवे ४२ (१९, ३ चौकार, ३ षटकार), रूपक तुबाजी २-१५, हृषीकेश मोकाशी १-४) पराभूत वि. शिवमुद्रा ब्लास्टर्सः ६.१ षटकात २ गडी बाद ७२ धावा (तनिष्क बाबर नाबाद ४६ (१७, ३ चौकार, ४ षटकार), रोहीत खिलारे १६, आशिष मांडवे १-९); सामनावीरः तनिष्क बाबर;
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
MNS On High Security Number Plate | सरकारने वाहन चालकांकडून खंडणी वसुलीसाठी वापरल्या जाणाऱ्या
‘एच डी नंबर प्लेट’ सक्तीचा फेरविचार करावा; ‘मनसे’ची मुख्यमंत्र्यांकडे मागणी
Kothrud Pune Crime News | शाळेत जातो, असे सांगून 10 वर्षीय मुले घराबाहेर पडली,
घरी न परतल्याने कुटुंबीयांची धावाधाव, परिसरातील नागरिकांमध्ये भीतीचे वातावरण
