Kothrud Pune Crime News | लघुशंका केल्यावरुन दोन गटात तुंबळ हाणामारी ! बिअरची बाटली फोडून मारल्याने ६ जण जखमी, सहा जणांवर गुन्हा दाखल
पुणे : Kothrud Pune Crime News | महालक्ष्मी गॅरेज शेडमध्ये लघुशंका केल्यावर झालेल्या वादात दोन गटात तुंबळ हाणामारी झाली. बिअरची बाटली फोडून मारल्याने एकमेकांना मारल्याने त्यात ५ जण जखमी झाले आहेत. कोथरुड पोलिसांनी (Kothrud Police) दोन्ही गटातील ६ जणांवर गुन्हा दाखल केला आहे. (Rada Between Two Groups)
याबाबत महेश दर्गाप्पा तिगमेले (वय २८,रा. भेलकेनगर, कोथरुड) यांनी कोथरुड पोलीस ठाण्यात फिर्याद दिली आहे. त्यावरुन पोलिसांनी आर्यन चटोले, प्रसाद भगवान मोरे, रुपेश चिंतामणी कानगुडे व रोहन ओव्हाळ यांच्यावर गुन्हा दाखल केला आहे. ही घटना भेलकेनगरमधील महालक्ष्मी ऑटो इंजिनिअरींग वर्कस येथे बुधवारी रात्री पावणे अकरा वाजता घडला.
याबाबत पोलिसांनी दिलेल्या माहितीनुसार, फिर्यादी, त्यांचा मित्र मच्छिंद्र मदन आरविले हे घराचे बाहेरील परिसरात शतपावली करत होते. त्यावेळी आरोपी हे मोटारसायकलवरुन तेथे आले. त्यांनी महालक्ष्मी ऑटो इंजिनिअरिंगच्या शेडमध्ये लघुशंका केली. त्याबाबत फिर्यादी महेश यांनी आरोपींकडे विचारणा केली. तेव्हा आरोपींनी शिवीगाळ करुन हाताने मारहाण केली. फिर्यादीच्या हनुवटीवर बिअरची बाटली फोडून जखमी केले. त्यांना सोडविण्यासाठी आलेले प्रदिप उत्तम पाडळे, जितेंद्र विठ्ठल भेलके, हनुमंत साहेबराव बोराटे, कुमार पिल्ले यांनाही बिअरची बाटली मारुन जखमी केले. पोलीस उपनिरीक्षक धनवडे तपास करीत आहेत.
त्याविरोधात रुपेश चिंतामण कानगुडे (वय १९, रा. शिवकल्याणनगर, सुतारदरा, कोथरुड) यांनी कोथरुड पोलीस ठाण्यात फिर्याद दिली आहे. त्यावरुन पोलिसांनी महेश दर्गाप्पा तिग्मेले (वय ३०, रा. भेलकेनगर, कोथरड), जितेंद्र विठ्ठल भेलके (वय ५०, रा. भेलकेनगर,कोथरुड) यांच्यावर गुन्हा दाखल केला आहे.
फिर्यादी व त्यांचे मित्र महालक्ष्मी ऑटो इंजिनिअरींग वर्क्ससमोर दुचाकी पार्क करुन रस्त्याचे बाजुला गप्पा मारत बसले होते. फिर्यादीचा मित्र रोहन गणेश ओव्हाळ याने महालक्ष्मी गॅरेज शेडमध्ये लघुशंका केल्याच्या कारणावरुन आरोपींनी फिर्यादी व त्यांच्या मित्रांना शिवीगाळ केली़ हाताने मारहाण केली. तसेच जितेंद्र भेलके याने फिर्यादीच्या कपाळावर बिअरची बाटली फोडून जखमी केले. पोलीस उपनिरीक्षक धनवडे तपास करीत आहेत.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
