Maharashtra Assembly Election 2024 | फक्त 4 मिनिटे लागतात मतदान करायला ! एका मतदान केंद्रात सरासरी 925 मतदार, रांगांचा करु नका बाऊ
पुणे : Maharashtra Assembly Election 2024 | एका मतदाराला मतदान करण्यासाठी सरासरी फक्त ४ मिनिटे लागतात. त्यामुळे मतदारांनी आवश्यक मतदान करावे. आपल्याला हवे ते लोकप्रतिनिधी निवडण्याची संधी गमावू नये, असे आवाहन निवडणुक अधिकार्‍यांनी करण्यात येत आहे. राज्यातील २८८ विधानसभा मतदार संघात बुधवारी सकाळी मतदानाला सुरुवात झाली आहे. यासाठी ९ कोटी ७० लाख मतदार आपला हक्क बजाविणार आहे. त्यासाठी ४ हजार १३६ उमेदवार रिंगणात आहेत.
मतदारांना मतदान करता यावे, यासाठी काही लाख शासकीय अधिकारी, कर्मचारी गेले काही दिवसांपासून राबत आहेत. या अधिकारी, कर्मचार्‍यांनी मंगळवारी सायंकाळी मतदान केंद्र उभारले आहेत. शाळांमध्ये अपुर्‍या सुविधांचा बाऊ न करता मतदारांना त्यांचा हक्क बजावण्यासाठी रात्रभर थंडीमध्ये कुडकुडत मतदान केंद्रामध्ये मुक्कामाला होते. आज पहाटे उठून त्यांनी मतदान केंद्र सज्ज ठेवले आहे. तेव्हा आपणही रांग असेल, वेळ नाही अशा गोष्टींचा बाऊ न करता मतदान करावे, असे आवाहन मान्यवरांनी केले आहे. राज्यात एका मतदान केंद्रात सरासरी ९२५ मतदार असतील अशा प्रकारे नियोजन करण्यात आले आहे.
- मतदार केंद्रात गेल्यानंतर मतदान केंद्रावरील पहिल्या कर्मचार्‍याकडे तुमच्याकडील ओळखपत्र दाखवा.
- दुसरा कर्मचारी यादीतील तुमच्या नावाची खात्री करुन तुमच्या बोटाला शाई लावेल़ तुमची स्वाक्षरी घेऊन तुम्हाला एक चिठ्ठी देईल.
- तुम्हाला मिळालेली चिठ्ठी तिसर्‍या कर्मचार्‍याकडे द्यावी. तो कर्मचारी तुमच्या बोटाला शाई लावली आहे की नाही, याची खात्री करेल आणि तुम्हाला मतदान करण्यासाठी र्ईव्हीएम ठेवलेल्या मतदान कक्षाकडे जाण्यास सांगेल.
- मतदान कक्षात गेल्यावर तुमच्या पसंतीच्या उमेदवाराचे नाव व पक्षाचे चिन्हापुढील बटण दाबून तुम्हाला मतदानाचा हक्क बजावता येईल. मतदान केल्यानंतर मशीनमधून बीप आवाज आल्यास तुमचे मतदान झाल्याचे समजावे.
- शेजारील व्हीव्ही पॅट मशीन च्या पारदर्शक विंडोमध्ये दिसणारी स्लिप तपासा. स्लिप सीलबंद बॉक्समध्ये पडण्यापूर्वी ७ सेंकदासाठी उमेदवाराचा अनुक्रमांक, नाव आणि चिन्ह प्रदर्शित करेल. तुम्ही मत दिलेल्या उमेदवाराचेच नाव व चिन्ह त्यावर आले आहे हे पहा़ मतदान योग्य झाल्याची खात्री करा.
- तुम्हाला कोणतीही शंका वाटल्यास त्वरीत तेथील निवडणुक अधिकाºयास कळवा़
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
Pune Police Tadipari Action | येरवडा परिसरातील 4 सराईत गुन्हेगार तडीपार ! पोलीस उपायुक्त हिंमत जाधव यांनी केली कारवाई
Maharashtra Assembly Election 2024 | दहा हजाराहून अधिक मतदार असलेल्या मतदान केंद्र इमारतींच्या ठिकाणी वाहन तळासाठी अतिरिक्त क्षेत्र उपलब्ध
