Maharashtra Assembly Election 2024 | पुण्यातील मतदानाची टक्केवारी वाढवण्यासाठी विविध संघटनांचा पुढाकार; मोफत पेट्रोलसह अनेक आकर्षक सवलती; जाणून घ्या

पुणे: Maharashtra Assembly Election 2024 | राज्यात विधानसभा निवडणुकांचे बिगुल वाजलं आहे. २० नोव्हेंबरला मतदान पार पडणार असून २३ नोव्हेंबरला निवडणुकांचे निकाल असणार आहेत. दरम्यान मतदानाबद्दल शहरी नागरिकांमध्ये असलेली उदासीनता आणि त्यामुळे मतदानाच्या टक्केवारीवर होणारा विपरीत परिणाम लक्षात घेत पुण्यातील मतदानाची टक्केवारी वाढण्यासाठी विविध संघटनांनी पुढाकार घेतला आहे. त्यासाठी पुणेकरांना अनेक आकर्षक सवलती देण्यात आल्या आहेत. (Maharashtra Assembly Election 2024)

पुणे नागरिक मंच, क्रेडाई, आर्ट ऑफ लिव्हिंग, पुणे हॉटेलर्स असोससिएशन, पुणे रेस्टॉरेंटर्स अँड हॉटेलर्स असोसिएशन, पेट्रोल डिलर्स असोसिएशन, पुणे जिल्हा गृहनिर्माण संस्था आणि अपार्टमेंट्स महासंघ या संस्थांनी एकत्रित येत हा पुढाकार घेतला आहे. याबाबत पत्रकार परिषद घेत माहिती देण्यात आली आहे.

पुणे नागरिक मंचाचे विशाल नलकरे म्हणाले, पुणे शहर हे महाराष्ट्रातील महत्त्वाचे शहर असून अलिकडच्या काळात शहरात मतदानाविषयी उदासीनता वाढत आहे. ही परिस्थिती बदलण्यासाठी एकत्रित प्रयत्न करण्यात येणार आहेत. आमच्या या अभियानात ज्येष्ठ नागरिक संघ, महिला मंडळ, हास्य क्लब आणि गृहनिर्माण संस्था देखील जोडल्या गेल्या आहेत.

पुणे जिल्हा गृनिर्माण संस्था आणि अपार्टमेंट्स महासंघाचे सुहास पटवर्धन म्हणाले, गृह सहकारी संस्थांमध्ये
जेष्ठ नागरिकांचे मतदान वाढवण्यासाठी गेल्या तीन महिन्यांपासून प्रयत्न सुरु आहेत.
यासाठी सोसायटी पातळ्यांवर सहकार मित्र नेमण्यात आले असून
सोशल मीडियाचाही उपयोग केला जात आहे.

पेट्रोल डीलर्स असोसिएशनचे पुणे अध्यक्ष ध्रुव रुपारेल म्हणाले, ” आम्ही २० नोव्हेंबरला मतदानाच्या
तारखेला इंजिन ऑइल खरेदीवर ५० रुपयांचे पेट्रोल मोफत देऊ.

पुणे रेस्टॉरेंटर्स अँड हॉटेलर्स असोसिएशनचे गणेश शेट्टी म्हणाले, लोकशाहीच्या या सगळ्यात मोठ्या
उत्सवात सहभागी होऊन मतदानाचे कर्तव्य बजावलेल्या व्यक्तींना हॉटेलमध्ये १० टक्के सवलत देण्यात येणार आहे.

तसेच या संस्था – संघटनांतर्फे मतदानाच्या विविध ठिकाणी सेल्फी पॉईंट तयार करण्यात येणार आहेत.
तसेच सोसायटी पातळीवर वॉर रूम उभारण्यात येणार असून पोस्टर स्पर्धा देखील घेण्यात येणार आहे.
लोकशाहीच्या या सगळ्यात मोठ्या उत्सवात पुणेकर नागरिकांनी सक्रिय सहभाग नोंदवावा,
असे आवाहन यावेळी करण्यात आले.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/

Follow puneriawaz.co.in :https://puneriawaz.co.in/

हे देखील वाचा

Supriya Sule On Devendra Fadnavis | “दोन पक्ष फोडल्याचा कसला अभिमान बाळगता”,
सुप्रिया सुळेंचा सवाल; म्हणाल्या – ” धमक्यांचा काळ गेला, महिला लाटणे घेऊन मागे लागतील”

Jayant Patil On Vasant More | पुन्हा एकदा वसंत मोरे पक्ष बदलणार? जयंत पाटलांच्या विधानाने राजकीय
वर्तुळात चर्चा; म्हणाले – “वसंत मोरे यांच्या हातात आम्ही कधीही तुतारी देऊ”

Shivaji Nagar Assembly Election 2024 | “मनीष आनंद यांच्या माध्यमातून विकासकामे झाली असल्याने आम्ही त्यांच्यासोबत”, शिवाजीनगरमधील नागरिकांचा निर्धार

Maval Assembly Election 2024 | सुनील शेळकेंच्या आमदारकीची वाट बिकट; बापू भेगडेंचे कडवं आव्हान,
मतदारसंघ पिंजून काढण्याची वेळ