Maharashtra Weather Update | पुढील काही दिवसांत तापमानात वाढ होणार; पुण्यात काय स्थिती, जाणून घ्या.
पुणे : Maharashtra Weather Update | मार्च महिन्याच्या शेवटच्या आठवड्यात महाराष्ट्रातील तापमान वाढत आहे. मागील काही दिवसांत वातावरणात वेगवेगळे बदल होताना दिसत आहे. पुढील दोन दिवसांत पश्चिम महाराष्ट्रातील तापमानातही वाढ होण्याची शक्यता आहे. मंगळवारी, 25 मार्च रोजी पश्चिम महाराष्ट्रातील तापमान आणि हवामान कसे राहील, याबाबत जाणून घ्या.
आज पुण्यातील (Pune Weather) तापमानात काहीशी घट झाल्याचे पाहायला मिळत आहे. कमाल तापमान 37 अंश, तर किमान तापमान 18 अंश सेल्सिअस इतके असण्याची शक्यता आहे. आज आकाश मुख्यतः निरभ्र राहण्याची शक्यता आहे. पुढील काही दिवसांत पुण्यातील तापमानात वाढ होणार असल्याचा अंदाज हवामान खात्याने वर्तवला आहे.
राज्यातील इतर जिल्ह्याचा विचार करता कोल्हापूरातील (Kolhapur Weather) तापमानात वाढ होऊन कमाल तापमान 38 अंश सेल्सिअस, तर किमान तापमान 21 अंश सेल्सिअस इतके असू शकते. कोल्हापुरात आज आकाश मुख्यतः निरभ्र राहील. पुढील काही दिवसांत तापमान स्थिर राहण्याची शक्यता आहे. साताऱ्यात (Satara Weather) कमाल तापमान 38 अंश सेल्सिअस, तर किमान तापमान 19 अंश सेल्सिअस इतके राहील. सांगलीतील (Sangli Weather) तापमानात वाढ झालेली दिसून येत आहे. पुढील काही दिवसांत सांगलीतील तापमानात वाढ होणार असल्याची माहिती आहे.
सोलापूरमधील (Solapur Weather) कमाल तापमान 40 अंश सेल्सिअस, तर किमान तापमान 23 अंश सेल्सिअस इतके असण्याची शक्यता आहे. आज आकाश मुख्यतः निरभ्र राहण्याची शक्यता आहे. पुढील 24 तासांत सोलापुरातील तापमानात वाढ होणार असल्याचा अंदाज हवामान खात्याने वर्तवला आहे. दरम्यान, पश्चिम महाराष्ट्रातील काही जिल्ह्यांत तापमानामध्ये वाढ जाणवत आहे. तसेच, काही दिवसांमध्ये पश्चिम महाराष्ट्रातील तापमानामध्ये आणखी वाढ होणार असल्याची माहिती हवामान खात्याने दिली आहे.
