Mahavikas Aghadi News | महाविकास आघाडीच्या बैठकीत सत्ता स्थापनेची रणनीती ठरली, तपशीलवार चर्चा झाल्याची माहिती
मुंबई: Mahavikas Aghadi News | विधानसभा निवडणुकीचा निकाल उद्या (दि.२३) जाहीर होणार आहे. राज्यात सत्तापरिवर्तन अटळ असल्याचा दावा महाविकास आघाडीच्या नेत्यांकडून केला जातोय. या पार्श्वभूमीवर सत्ता स्थापनेसंदर्भात महाविकास आघाडीतील प्रमुख नेत्यांची बैठक गुरुवार (दि.२१) पार पडली. या बैठकीत सरकार स्थापनेच्या रणनीतीवर तपशीलवार चर्चा करण्यात आल्याची माहिती आहे. (Maharashtra Assembly Election 2024)
महाविकास आघाडीच्या प्रमुख नेत्यांच्या या बैठकीत काँग्रेस, शिवसेना (उबाठा) आणि राष्ट्रवादी काँग्रेसचे (शरदचंद्र पवार) प्रमुख नेते उपस्थित होते. विधानसभा निवडणुकीचे निकाल जाहीर झाल्यानंतर सत्ता स्थापनेसाठी केवळ ४८ तास असल्याने राष्ट्रपती राजवट लागू नये म्हणून लवकरात लवकर सरकार स्थापन करण्याचे महाविकास आघाडीसमोर आव्हान असणार आहे. (Mahavikas Aghadi News)
बंडखोर उमेदवारांना पुन्हा पक्षात सामील करून घेणे, महाविकास आघाडीच्या नेत्यांमध्ये सुरू असलेले अंतर्गत मतभेद आणि निवडणूक निकाल जाहीर झाल्यानंतर आमदार फुटू नयेत म्हणून आमदारांना सुरक्षित ठिकाणी ठेवणे आदी मुद्द्यांवर महाविकास आघाडीच्या बैठकीत चर्चा झाल्याचे म्हटले जातेय. विशेष म्हणजे बहुमत मिळालं नाही तर काय करायचं? यावरदेखील महाविकास आघाडीच्या नेत्यांमध्ये चर्चा झाल्याची माहिती आहे.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
