Mumbai High Court | कोट्यवधी रुपयांची फसवणूक आणि गुन्हेगारी गैरवर्तनाबद्दल IITM च्या अधिकाऱ्याची निर्दोष मुक्तता
मुंबई : Mumbai High Court | मुंबई उच्च न्यायालयाने इंडियन इन्स्टिटय़ूट ऑफ ट्रॉपिकल मेटिऑरॉलॉजी (IITM) चे अधिकारी यांची हवेच्या गुणवत्ता आणि हवामान निरीक्षणाचे कंत्राट देताना संस्थेचे कोट्यवधी रुपयांचे नुकसान केल्याप्रकरणी केंद्रीय अन्वेषण ब्युरो (CBI) ने नोंदवलेल्या 2019 च्या खटल्यातून निर्दोष मुक्तता केली. आरोपीविरुद्ध भा.द.वि कलम ४२०, ४६५, ४६८, ४७१, १२०-ब व लाचलुचपत प्रतिबंधक कायदा कलम १३(२)सह १३(१)(ड) सीबीआय ने गुन्हा दाखल केला होता. (Cheating Fraud Case)
या प्रकरणी आरोपी विपीन माळी Vipin Mali (वरिष्ठ तांत्रिक अधिकारी) यांनी ऍड. प्रताप परदेशी (Adv Pratap Pardeshi आणि ऍड. अभिषेक अवचट (Adv. Abhishek Avachat) यांच्या मार्फत उच्च न्यायालय मुंबई (Mumbai High Court) येथे विनादोषारोप मुक्त करणेकामी अर्ज केला होता.
गुन्हा हा आयआयटीएमच्या सिस्टीम ऑफ एअर क्वालिटी अँड वेदर फोरकास्टिंग अँड रिसर्च (एसएएफएआर) शी संबंधित आहे, हवा गुणवत्ता निरीक्षण आणि डिजिटल डिस्प्ले सिस्टीम जी शहरांमध्ये मोक्याच्या ठिकाणी स्थापित केली जाते. 2012 मध्ये, आयआयटीएमने त्यांच्या व्यावसायिक मूल्यमापन समितीच्या शिफारशीनुसार 4.66 कोटी रुपयांना मुंबईस्थित व्हिडिओ वॉल इंडियाकडून पुण्यात 12 आऊटडोअर आणि पाच इनडोअर डिस्प्ले सिस्टिम खरेदी केल्या होत्या.
सात वर्षांनंतर, 2019 मध्ये, सीबीआयला काही डिजिटल डिस्प्ले सिस्टीमच्या पुरवठा आणि स्थापनेतील अनियमिततेची माहिती मिळाली. त्यानंतर एजन्सीने अचानक तपासणी केली, ज्या दरम्यान विविध ठिकाणी स्थापित केलेल्या 11 डिस्प्लेमधील एक टाइल काढून टाकण्यात आली आणि कॉलेज ऑफ इंजिनिअरिंग पुणे (COEP) मध्ये चाचणीसाठी नेण्यात आली.
COEP च्या चाचणी अहवालांनी असा निष्कर्ष काढला आहे की LED डिस्प्ले निविदा सूचनेतील वैशिष्ट्यांशी सुसंगत नाहीत.
सीबीआयने असाही आरोप केला की व्हिडिओ वॉल इंडियाने चीनकडून एलईडी डिस्प्ले युनिट्स गुणवत्ता आणि
किमतीत स्वस्त असल्याने खरेदी केली आणि त्यानंतर बेग आणि माळी यांनी संगनमताने आयआयटीएमची फसवणूक केली.
आरोपीच्या वकिलांनी युक्तिवाद केला की,आरोपीकडून कोणतीही चूक झाली नाही,
त्यांनी सांगितले की खरेदी प्रक्रियेदरम्यान कोणत्याही विचलनाशिवाय आयआयटीएमच्या विहित प्रक्रियेचे पालन केले होते.
खरेदीची संपूर्ण प्रक्रिया तांत्रिक आणि व्यावसायिक समितीद्वारे केली जाते,
म्हणून समितीने घेतलेल्या निर्णयांसाठी निवडकपणे केवळ माळी यांना दोष देणे चुकीचे होते.
महत्त्वाचे म्हणजे, दोन्ही समित्यांच्या कार्यवृत्तांना शेवटी आयआयटीएम संचालकांनी मान्यता दिली,
असा युक्तिवाद त्यांनी केला. सदरील युक्तिवाद ग्राह्य धरून मे. उच्च न्यायालयाचे न्यायाधीश मे.
संदीप मारणे यांनी आरोपीला सदरील खटल्यातून विनादोषारोप मुक्त केले.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in : https://puneriawaz.co.in/
हे देखील वाचा
DCP R Raja At Bhau Rangari Ganpati | पुणे: पोलीस उपायुक्त आर राजा यांनी घेतले
श्रीमंत भाऊसाहेब रंगारी गणपतीचे दर्शन (Videos)
