Police Recruitment in December | पोलिस दलात भरती होण्याची संधी! डिसेंबरमध्ये पुन्हा पोलीस भरती होणार, राज्यात साडेसात हजार तर मुंबईत १२०० पदे
मुंबई: Police Recruitment in December | राज्यात नुकतीच पोलिस भरती राबवण्यात आली. त्यामध्ये तब्बल ३५ हजार पदे भरण्यात आली होती. या भरतीत ज्यांना अपयश आले अशा तरुणांना आता पुन्हा पोलिस दलात भरती (Maharashtra Police Bharti) होण्याची संधी मिळणार आहे. राज्यात डिसेंबर महिन्यात तब्बल साडेसात हजार त्यात मुंबईसाठी १२०० पोलिसांची पदे भरली जाणार आहेत. (Police Recruitment in December)
कोरोनामुळे राज्यात पोलिस भरती रखडली होती. तसेच अनेक जण निवृत झाल्याने मोठी पदे रिक्त झाली होती. मनुष्यबळ कमी झाल्याने दोन वर्षांत १८ हजार व १७ हजार पदांची मोठी पोलीस भरती राज्यात झाली. मात्र, या भरतीला योग्य प्रतिसाद न मिळाल्याने डिसेंबरमध्ये पुन्हा साडेसात हजार पदांसाठी भरती केली जाणार आहे.
सध्या राज्यात २५ जिल्ह्यांत पोलीस शिपाई, आठ जिल्ह्यांत चालक शिपाई व पाच जिल्ह्यांत बॅण्डसमॅनची लेखी परीक्षा घेण्यात आली आहे. तर इतर जिल्ह्यात सप्टेंबरपर्यंत ही भरती प्रक्रिया पूर्ण करण्याच्या सूचना दिल्या आहेत. ही भरती पूर्ण झाल्यावर राज्यात नवी भरती प्रक्रिया सुरू केली जाणार आहे.
या सोबतच राज्यात असलेल्या पोलिस प्रशिक्षण केंद्राची देखील क्षमता वाढवली जाणार आहे.
सध्या १० प्रशिक्षण केंद्रांमध्ये ८४०० पोलिसांना प्रशिक्षण देण्यात येते.
येणाऱ्या काळात त्यात दुपटीने वाढ होण्याची शक्यता आहे.
मुंबईत ४,२३० पोलीस शिपाई भरतीची प्रक्रिया सुरू झाली आहे. या भरतीसाठी पोलिसांकडे ५ लाख ६९ हजार अर्ज आले आहेत. त्यापैकी दोन हजार ५७२ पोलीस हवालदार, ९१७ चालक, ७१७ तुरुंग हवालदार आणि २४ बँड्समन पदांसाठी अर्ज करण्यात आले आहेत.
Follow puneriawaz.co.in : https://puneriawaz.co.in/
हे देखील वाचा
Pune Water Supply | पुणेकरांनो पाणी जपून वापरा; गुरुवारी संपूर्ण शहराचा पाणीपुरवठा राहणार बंद
