Policeman Suspended In Pune | पुणे: PMPML ड्रायव्हरला मारहाण करणारा पोलीस कर्मचारी निलंबित

पुणे : Policeman Suspended In Pune | पुण्यात पीएमपी बस ड्रायव्हरला (PMPML Bus Driver) पोलीस कर्मचाऱ्याने मारहाण केल्याचा व्हिडिओ समाजमाध्यमांवर व्हायरल झाला होता. त्यानंतर पोलीस शिपाई राहुल वाघमारे (Police Rahul Waghmare) आणि पीएमपी चालक तोरणे यांच्यात समझोता झाला होता. वाघमारे यांनी संबंधित चालकाची माफीही मागितली होती.

नुकसान भरपाई म्हणून ३ हजार रुपयेही दिले होते. त्यानंतर हे प्रकरण मिटले असे वाटले असतानाच किरकोळ कारणावरून कायदा हातात घेणाऱ्या राहुल वाघमारे या पोलीस शिपायाची गंभीर दखल घेत वरिष्ठ अधिकाऱ्यांनी त्यांना निलंबित केले आहे. पोलीस उपायुक्त रोहिदास पवार (DCP Rohidas Pawar) यांनी याबाबतचे आदेश काढले आहेत. (Policeman Suspended In Pune)

राहुल अशोक वाघमारे (Rahul Ashok Waghmare) हे मोटार परिवहन विभागात नेमणुकीस आहेत. भागवत बापूराव तोरणे या पीएमपी ड्रायव्हरला त्यांनी मारहाण केली होती. त्यादिवशी राहुल वाघमारे रात्रपाळी संपवून दुचाकीने घरी निघाले होते. वाडिया कॉलेज (Wadia College Pune) जवळ पीएमपी चालक भागवत तोरणे यांनी कट मारल्याचा राग मनात धरून त्यांनी पीएमपीला दुचाकी आडवी लावली आणि त्यानंतर बस मध्ये चढून वाघमारे यांनी ड्रायव्हर तोरणे यांना हाताने मारहाण केली. याच मारहाणीचा व्हिडिओ सोशल मीडियावर व्हायरल झाला होता. यानंतर आता राहुल वाघमारे यांच्यावर निलंबनाची कारवाई करण्यात आली आहे.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj?igsh=MTRpdmZqcHdqcGM1Yg==

Follow puneriawaz.co.in : https://puneriawaz.co.in/

हे देखील वाचा

Khadakwasla Dam | खडकवासला धरण 100 टक्के भरले ! मुठा नदीपात्रात पाणी सोडण्यास सुरुवात; नागरिकांना खबरदारीचे आवाहन

Kothrud Hit & Run Case | कोथरूडमध्ये हिट अँड रन; खाजगी बसने दुचाकीस्वारासह इतर वाहनांना उडवले (Video)

Sindhudurg Crime News | पोलीस दलात अधिकारी असल्याचे भासवत नोकरीचे आमिष दाखवत फसवणूक

Lonavala Rains | लोणावळ्यात विक्रमी पावसाची नोंद ! गेल्या 24 तासांत तब्बल 275 मिलीमीटर पावसाची नोंद