Pune Accident News | पुणे : मद्यधुंद टेम्पोचालकाने उडविली ५ ते ६ वाहने; गीतांजली श्रीकांत अमराळे यांचा मृत्यू
दुचाकीवरील महिलेचा मृत्यु, कर्वे रोडवरील घटना
पुणे : Pune Accident News | कर्वे रोडवरील करिश्मा चौक (Karishma Chowk Pune) ते पौड फाटा (Paud Phata) दरम्यान दारुच्या नशेत एका टेम्पोचालकाने ५ ते ६ वाहनांना धडक दिली. त्यात एका दुचाकीवरील महिलेचा मृत्यु झाला आहे. ही घटना रविवारी रात्री साडेनऊ वाजण्याच्या सुमारास घडली. (Pune Drunk Driving Case)
गीतांजली श्रीकांत अमराळे Gitajanli Shrikant Amrale (वय ३५, रा. शास्त्रीनगर)असे मृत्यु पावलेल्या महिलेचे नाव आहे. पोलिसांनी टेम्पोचालक आशिष अनंत पवार Ashish Anant Pawar (वय २६, रा. गणपती माथा, वारजे) याला अटक केली आहे.
याबाबत मिळालेल्या माहितीनुसार, कर्वे रोडवरील करिश्मा चौकाकडून पौड फाट्याकडे एक टेम्पो भरधाव वेगाने येत होता. त्याने करिश्मा चौकाजवळ एका वाहनाला धडक दिली. त्यावेळी तेथील बाल तरुण मंडळाची आरती सुरु होती. तेथे जमलेल्यांच्या शेजारुन तो वेगाने पुढे गेला. पुढे त्याने सिग्नलला एक रिक्षा, चारचाकी आय टेन, दोन ते तीन दुचाकी वाहनांना धडक दिली. त्यात दुचाकीवरील काही जण जखमी झाले.
त्याचवेळी पौड फाटा चौकात पौड रोड वरुन कर्वेरोडला श्रीकांत अमराळे हे वळत होते. त्यावेळी टेम्पोने त्यांच्या गाडीला जोरात धडक दिली. त्यात गीतांजली अमराळे या गंभीर जखमी झाल्या. या अपघाताचा आवाज ऐकताच तेथील एरंडवणा मित्र मंडळ, बाल तरुण मंडळ अचानक मित्र मंडळाचे कार्यकर्ते धावून आले. त्यांनी जखमींना तातडीने रुग्णालयात नेले. मात्र, उपचारापूर्वी गीतांजली अमराळे यांचा मृत्यु झाला.
श्रीकांत अमराळे हे मनसेचे कार्यकर्ते आहेत. शास्त्रीनगरमधील संगम मित्र मंडळाचे ते पदाधिकारीही आहेत.
मंडळाची आरती झाल्यानंतर गौरीसाठी लागणारे साहित्य आणण्यासाठी ते पत्नीबरोबर जात असताना हा अपघात झाला.
गीतांजली अमराळे यांचा त्यात मृत्यु झाल्याची माहिती अ‍ॅड. किशोर शिंदे (Adv Kishor Shinde) यांनी दिली.
अलंकार पोलीस (Alankar Police) अधिक तपास करीत आहेत. (Pune Accident News)
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in : https://puneriawaz.co.in/
हे देखील वाचा
