Pune Crime Branch News | उच्चभ्रू सोसायटीमध्ये घरफोड्या करणार्‍या चोरट्याकडून साडेअकरा लाखांचे सोन्याचे दागिने हस्तगत

पुणे : Pune Crime Branch News | उच्चभ्रू सोसायटीमध्ये घरफोड्या करणारा चोरटा सोन्याचे दागिने विकण्यासाठी येणार असल्याचे समजल्यावर गुन्हे शाखेच्या युनिट ५ च्या पथकाने त्याला जेरबंद केले. अनिल मिनसिंग खडका Anil Minsing Khadka (वय २५, रा. केशव चौक, माळवाडी, हडपसर) असे या चोरट्याचे नाव आहे. त्याच्याकडून १७३ ग्रॅम वजनाचे एकूण ११ लाख ५९ हजार ५०० रुपयांचे दागिने जप्त करण्यात आले आहे. (Arrest In House Burglary)

गुन्हे शाखेच्या युनिट ५ चे पथक हडपसर परिसरात पेट्रोलिग करीत असताना अंमलदार तानाजी देशमुख व अमित कांबळे यांना बातमीदारामार्फत बातमी मिळाली की, हडपसर येथे झालेल्या घरफोडीमधील आरोपी हा चोरीचे दागिने विकण्याकरीता माळवाडी येथील अमरधाम स्मशानभूमीत येणार आहे. या बातमीची खातरजमा करण्यासाठी पोलीस पथक अमरधाम स्मशानभूमीजवळ पोहचले. तेथे संशयास्पद थांबलेल्या अनिल खडका याला पोलिसांनी ताब्यात घेतले. त्याची झडती घेतली असता त्यांच्याकडे १७३ ग्रॅम वजनाचे ११ लाख ५९ हजार ५०० रुपयांचे दागिने मिळाले. त्याबाबत चौकशी केल्यावर त्याने हडपसरमधील मार्वे आर्को सोसायटीमधील एका फ्लॅटमध्ये चोरी केल्याचे सांगितले.

याबाबत अनुराधा फणी रायनपाटी (वय ४४, रा. मार्वेल आर्को सोसायटी, माळवाडी) यांनी हडपसर पोलीस ठाण्यात फिर्याद दिली आहे. १७ ते २१ नोव्हेंबर दरम्यान उघड्या दारातून प्रवेश करुन चोरट्याने घरातील कपाटातून २ लाख ७० हजार रुपयांचे सोन्याचे दागिने चोरुन नेले होते. पुढील कारवाईसाठी अनिल खडका याला हडपसर पोलिसांच्या ताब्यात दिले आहे.

ही कारवाई अपर पोलीस आयुक्त शैलेश बलकवडे, पोलीस उपायुक्त निखिल पिंगळे, सहायक पोलीस आयुक्त राजेंद्र मुळीक यांच्या मार्गदर्शनाखाली पोलीस निरीक्षक युवराज हांडे, सहायक पोलीस निरीक्षक विजयकुमार शिंदे, पोलीस अंमलदार अमित कांबळे, तानाजी देशमुख, प्रमोद टिळेकर, प्रताप गायकवाड, विनोद निंभोरे, विनोद शिवले, स्वाती गावडे, पल्लवी मोरे, शुभांगी म्हाळसेकर, अकबर शेख, राहुल ढमढेरे यांनी केली आहे.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/

Follow puneriawaz.co.in :https://puneriawaz.co.in/

हे देखील वाचा

Sahakar Nagar Pune Crime News | पुणे : अनैसर्गिक कृत्य करायला लावून धमकाविल्याने दहावीतील मुलाची आत्महत्या

Eknath Shinde To Shivsainik | मुख्यमंत्रीपदावरून साशंकता, एकनाथ शिंदेंचे शिवसैनिकांना भावनिक
आवाहन; म्हणाले – ‘माझ्यावरील प्रेमापोटी…’

Ulhas Dhole Patil | माजी महापौर उल्हास ढोले पाटील यांचे निधन

Pune Rural Police News | स्मशानभूमीमधील लाकडावरुन पोलिसांनी उघडकीस आणला खुनाचा गुन्हा ! वालचदंनगर पोलीस, स्थानिक गुन्हे शाखेची कामगिरी

Sahakar Nagar Pune Accident News | पीएमपी बसच्या धडकेत रस्ता ओलांडणार्‍या महिलेचा मृत्यु; पुणे सातारा रोडवरील सहकारनगर येथील घटना

Kondhwa Pune Crime News | कोंढवा: नराधम पित्याने अल्पवयीन मुलीवर केला लैंगिक अत्याचार

Katraj Pune Crime News | कोर्टाने तडीपार केले असतानाही दरोड्याच्या तयारीत असलेली चुहा गँग जेरबंद ! पिस्टल, काडतुस, मॅफेड्रान, रोकड असा माल हस्तगत