Pune Crime News | दत्तक गेलेले भावाची वारसा हक्काने मिळालेली मालमत्ता हडप करुन मोठ्या भावाने केली 70 लाखांची फसवणूक, परस्पर वारसदार बदलून फ्लॅट केला नावावर
पुणे : Pune Crime News | चार बहिणी व ३ भावांमधील मधल्या भावाला दत्तक दिल्याने त्याला वारसा हक्काने राजस्थानात मोठी मालमत्ता मिळाली. ही मालमत्ता विकून त्याने पुण्यात फ्लॅट घेतला व बँकात ५० लाख रुपयांच्या मुदत ठेवी, ४० तोळे दागिने अशी मालमत्ता ठेवली. त्याच्या निधनानंतर मोठ्या भावाने इतर भाऊ, बहिणींची फसवणूक करुन फ्लॅट व ७० लाख रुपयांचा ऐवज हडप केल्याचा प्रकार समोर आला आहे. (Cheating Fraud Case)
याप्रकरणी शिवशंकर भुधरमल दवे (वय ४२, रा. शुक्रवार पेठ) यांनी खडक पोलीस ठाण्यात फिर्याद दिली आहे. त्यावरुन पोलिसांनी मफतलाल भुधरमल दवे (वय ५२, रा. भीनमोल, जालोर, राजस्थान) याच्यावर गुन्हा दाखल केला आहे़ हा प्रकार ९ जुलै ते १० सप्टेंबर २०२४ दरम्यान घडला.
याबाबत पोलिसांनी दिलेल्या माहितीनुसार, फिर्यादी आणि आरोपी हे भाऊ भाऊ आहेत. फिर्यादी हे ३ भाऊ व ४ बहिणी आहेत. त्यापैकी मधला भाऊ रवींद्रकुमार दवे यास आईवडिलांनी त्यांचे नात्यातील मुळ राजस्थानला राहणारे नातेवाईक गोविंदरामजी दवे यांना अपल्य नसल्याने दत्तक दिले होते. दत्तक दिलेले गोविंदरामजी व त्यांच्या पत्नीचे निधन झाल्याने वारसदार म्हणून त्यांची सर्व संपत्ती रवींद्रकुमार दवे या फिर्यादीच्या वारसदार भावाला मिळाली. रवींद्रकुमार दवे याला १९९८ मध्ये फुफ्फुसाचा आजार झाला. गावी उपचार होत नसल्याने त्याने औषधोपचारासाठी राजस्थानमधील सर्व मालमत्ता साधारण १ कोटीला विकली. त्यातून गुरुवार पेठेत एक फ्लॅट घेतला. प्रत्येकी २५ लाख व २५ लाख रुपयांच्या मुदत ठेवी दोन बँकांमध्ये ठेवल्या. फ्लॅटवर वारसदार म्हणून फिर्यादींचे नाव दिले होते. मुदत ठेवीसाठी भाचीला वारसदार नेमले होते. ५० लाखांच्या मुदत ठेवीच्या व्याजातून तो सर्व आजारपणाचा खर्च करत होता. ९ जुलै २०२४ रोजी रवींद्रकुमार दवे याचे निधन झाले. तेव्हा मोठा भाऊ मफतलाल दवे हा कोणाला काही माहिती न देता तात्काळ पुण्यात आला. रवींद्रकुमार दवे याचा अत्यंविधी उकरुन फ्लॅटचे कुलूप तोडून घराची कागदपत्रे, ४० तोळे सोन्याचे दागिने, मुदत ठेवीच्या पावत्या असे सर्व कागदपत्रे स्वत:कडे घेतले. त्यानंतर दहाव्या दिवशी राजस्थानात त्याने सर्वांना हिस्साचे वाटप करणार असल्याचे सांगितले.
सर्व धार्मिक विधी उरकल्यानंतर मफतलाल दवे हा पुन्हा पुण्यात आला. भाची व बहिणीची दिशाभूल करुन त्यांच्याकडून पंजाब नॅशनल बँकेमधील २५ लाखांची एफडीची रक्कम स्वत:चे ताब्यात घेतली. फ्लॅटवर वारसदार म्हणून फिर्यादी यांचे नाव असतानाही त्याने इतर भाऊ, बहिणींची दिशाभूल करुन फिर्यादीचे नाव वगळून बोगस व बनावट वारसदार प्रमाणपत्र तयार करुन त्याआधारे १० सप्टेबर २०२४ रोजी फ्लॅट स्वत:च्या नावावर करुन घेऊन फिर्यादी भावाची फसवणूक केली. फ्लॅट स्वत:च्या नावावर करुन ५० लाख रुपयांच्या मुदत ठेवी व २० लाख रुपयांचे ४० तोळ्यांचे दागिने असा ७० लाख रुपयांचा ऐवज हडप करुन फसवणुक केली आहे. सहायक पोलीस निरीक्षक कुलदीप व्हटकर तपास करीत आहेत.
