Pune Crime News | ‘‘मी डॉन आहे, मी बाप आहे’’तडीपार असताना रामनवमीला शहरात येऊन डायलॉगबाजी करणार्या गुंडाला खराडी पोलिसांनी दाखवून दिले ‘‘कोण बाप आहे’’
पुणे : Pune Crime News | तडीपार असताना रामनवमीच्या दिवशी पुणे शहरात येऊन ‘मी डॉन आहे, मी बाप आहे’, अशी डायलॉगबाजी करणार्या गुंडाला खराडी पोलिसांनी ‘‘नेमका बाप कोण आहे’’, हे दाखवून दिले.
निखील मधुकर कांबळे Nikhil Mudhukar Kamble (वय २३, रा. लक्ष्मीनगर, येरवडा) असे या तडीपार गुंडाचे नाव आहे. निखील कांबळे याच्यावर ९ गंभीर गुन्हे आहेत. पोलीस उपायुक्त सोमय मुंडे यांनी त्याला पुणे शहर व जिल्ह्यातून २ वर्षांसाठी तडीपार केले आहे. असे असताना कांबळे हा त्याचे साथीदारांसोबत खराडीतील रक्षकनगर भागात २८ मार्च रोजी सायंकाळी आला होता. या भागातील गोल्ड सोसायटीसमोर कांबळे व त्याच्याबरोबर असलेल्या ८ ते १० साथीदारांनी दहशत माजविली.
कांबळे याने दहशत माजविल्याचा व्हिडिओ सोशल मीडियावर व्हायरल झाल्यानंतर खराडी पोलिसांनी निखिल कांबळे याच्यासह ८ ते १० जणांवर गुन्हा दाखल केला आहे. पोलीस उपनिरीक्षक राहुल कोळपे व त्याच्या सहकार्यांनी या आरोपींचा शोध घेऊन निखिल कांबळे, सुदेश रुपेश गायकवाड, अनुज मोरे, चावरे अशा चौघांना अटक केली. सुदेश गायकवाड याच्यावर ६ गुन्हे दाखल आहेत. त्यांनी ज्या भागात दहशत माजविली होती. त्या ठिकाणी वरिष्ठ पोलीस निरीक्षक संजय चव्हाण व त्यांच्या सहकार्यांनी या चौघांना गुडघ्यावर बसवुन वरात काढली. पोलिसांना नडले तर काय होते, दहशत माजविल्यावर पोलिसांची अॅक्शन काय असते हे दाखवुन दिले.
