Pune Crime News | आईच्या भरणीश्राद्धच्या कार्यक्रमात भावा भावात राडा ! बहिण, भाऊ, पुतण्यांवर गुन्हा दाखल, काय असते भरणीश्राद्ध; वाचा सविस्तर

पुणे : Pune Crime News | भरणीश्राद्ध केल्याने महापुण्य मिळते, असे म्हणतात. पण, येथे आईच्या भरणीश्राद्ध करण्यासाठी जमलेल्या भावा बहिणींमध्ये वडिलांचा कोणी सांभाळ करायचा यावरुन वाद होऊन एकमेकांना हाणामारीत झाला.

याबाबत बिबवेवाडी येथे राहणार्‍या ४७ वर्षाच्या भावाने फरासखाना पोलीस ठाण्यात (Faraskhana Police Station) फिर्याद दिली आहे. त्यानुसार पोलिसांनी फिर्यादीचा भाऊ, बहिण आणि २ पुतणे अशा चौघांवर गुन्हा दाखल केला आहे. ही घटना गणेश पेठेतील दारुवाला पुलाजवळील यश क्लासिक इमारतीत शनिवारी दुपारी एक वाजता घडली.

भरणीश्राद्ध केल्याने महापुण्य मिळते असे म्हणतात. कारण हे श्राद्ध केले असता मृत व्यक्तीच्या आत्म्याला शांती लाभते. आणि आत्मा भवसारातून मुक्त होतो. त्यामुळे श्राद्ध विधी केल्याचे पुण्य पदरात पडते. ज्यांनी आपल्या आयुष्यात तीर्थयात्रा केल्या नाहीत, त्यांचे भरणी श्राद्ध केल्यास गया तीर्थ यात्रा केल्याचे पुण्य मिळते, असे सांगितले जाते.

पितृपक्षात ज्या दिवशी भरणी नक्षत्र येईल, त्याला महा भरणी असे नाव आहे. यंदा २१ सप्टेबर रोजी भरणी श्राद्ध होते. याबाबत पोलिसांनी दिलेल्या माहितीनुसार, फिर्यादी आणि आरोपी हे एकमेकांचे नातेवाईक आहेत. २१ सप्टेबरला भरणी नक्षत्र येत असल्याने आईच्या भरणी श्राद्ध कार्यक्रमाकरीता पुणे शहरात इतरत्र राहणारे सर्व नातेवाईक एकत्र आले होते. कार्यक्रमानंतर वडिलांचा सांभाळ कोण करणार, असा प्रश्न उपस्थित झाला. यावरुन भावा भावांमध्ये व बहिणीमध्ये वाद निर्माण झाला. फिर्यादी यांच्या अंगावर त्यांचे भाऊ धावून गेले. फिर्यादी यांना शिवीगाळ करुन लाथाबुक्क्यांनी मारहाण केली. यावेळी दोघा पुतण्यांनी माझ्या वडिलांशी भांडण करतोय काय?, असे म्हणून हातातील कडा काढून फिर्यादीच्या डोक्यात मारुन जखमी केले. पोलीस हवालदार गुरव तपास करीत आहेत.भरणी श्राद्धाचे महापुण्य मिळविण्यासाठी जमलेल्या भावा बहिणींनी मात्र कायमचे शस्त्रुत्व मात्र पदरी घेतले असल्याचे दिसून येते.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/

Follow puneriawaz.co.in : https://puneriawaz.co.in/

हे देखील वाचा

Dhangar Reservation GR | “…तर राज्यातील 60-65 आमदार राजीनामा देतील”; महायुतीतल्या नेत्याचे मोठे वक्तव्य

Maharashtra Politics News | महायुतीतून अजित पवार बाहेर पडणार? विधानसभेपूर्वी राजकीय घडामोडींना वेग

Sharad Pawar Vs Ajit Pawar | अजित पवारांच्या ६ आमदारांबाबत शरद पवारांचे प्लॅनिंग; राजकीय सामना रंगणार

Amol Balwadkar | भाजपचे नेते अमोल बालवडकर आयोजित महिला मेळाव्याला 4 हजार भगिनींची उपस्थिती; सर्व महिलांचे ‘मुख्यमंत्री लाडकी बहीण योजने’चे फॉर्म भरले (Video)