Pune Crime News | पिंपरी: ‘मी भाई आहे’ वडापाव विक्रेत्याला दमदाटी करुन उकळली खंडणी
पिंपरी : Pune Pimpri Chinchwad Crime News | मी इथला भाई आहे, मी दोन मर्डर करुन बाहेर आलो आहे, असे म्हणून वडापाव विक्रेत्याला दमदाटी करुन जबरदस्तीने गल्ल्यातील पैसे काढून घेतले (Robbery Case). तसेच हॉटेल बाहेरील गाड्यांना लाथामारुन वाहनांचे नुकसान करुन परिसरात दहशत पसरवली. याप्रकरणी चिखली पोलिसांनी (Chikhali Police Station) दोन जणांवर गुन्हा दाखल केला आहे. हा प्रकार रविवारी (दि.14) साडेबारा वाजण्याच्या सुमारास तळवडे येथील टॉवर लाईन चौकात घडला आहे.
याबाबत सौरभ हरीहर लाड (वय-25 रा. त्रिवेणीनगर टॉवर लाईन, तळवडे, पुणे) यांनी चिखली पोलीस ठाण्यात फिर्याद दिली आहे. त्यानुसार योगेश डोईफोडे व त्याच्या साथीदारावर भारतीय न्याय संहिता कलम 309(6), 308(4), 115(2), 352, 3(5), सह क्रिमिनल लॉ अमेंटमेंट अॅक्ट नुसार गुन्हा दाखल केला आहे.
पोलिसांनी दिलेल्या माहितीनुसार, फिर्यादी यांचे तळवडे येथील टॉवर लाईन चौकात सिद्धी विनायक नावाचे वडापावचे हॉटेल आहे. रविवारी दुपारी साडे बारा वाजण्याच्या सुमारास ते ग्राहकांना वाडापाव देत होते. त्यावेळी आरोपी हॉटेलमध्ये आला. तुला हॉटेल चालवायचे असेल तर मला हप्ता द्यावा लागेल असे म्हटले. त्यावेळी फिर्यादी यांनी कसला हप्ता अशी विचारणा केली असता तु शेजारच्या हॉटेल चालकांना विचार असे म्हणून हप्ता मागितला. (Pune Crime News)
फिर्य़ादी यांनी भावाला विचारून सांगतो असे सांगितले असता आरोपीने त्यांच्या कानशिलात लगावली.
मी या भागातील भाई आहे, मी दोन मर्डर करुन जेल मधुन बाहेर आलो आहे.
तुला हप्ता द्यावा लागेल नाहीतर तुला जीवे मारून टाकीन अशी धमकी दिली.
तसेच गल्ल्यात हात घालून जबरदस्तीने 1100 रुपये काढून घेत महिन्याला हप्ता द्यावा लागेल अशी धमकी दिली.
आरोपीच्या भीतीने हॉटेलमधील ग्राहक पळून गेले.
योगेश याने हॉटेलमधून बाहेर जाताना दुचाकीवर लाथ मारुन त्या खाली पाडून नुकसान करुन दहशत माजवली.
पुढील तपास पोलीस उपनिरीक्षक विकास पंचमुख करीत आहेत.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj?igsh=MTRpdmZqcHdqcGM1Yg==
Follow puneriawaz.co.in : https://puneriawaz.co.in/
हे देखील वाचा
Pune Monsoon Rain | पुणे जिल्ह्याला पावसाचा ऑरेंज अलर्ट; पावसाचा जोर वाढण्याची शक्यता
Yerawada Jail News | येरवडा कारागृहातून जन्मठेपेची शिक्षा भोगत असलेला कैदी फरार
