Pune Crime News | दुचाकीची कारला धडक देऊन तिघांनी कारमालकाच्या डोक्यात कोयत्याने वार करुन जीवे ठार मारण्याचा प्रयत्न
पुणे : Pune Crime News | कॅफेबाहेर उभ्या असलेल्या कारला दुचाकीवरुन आलेल्या तिघांनी धडक दिली. त्यानंतर कारमालक तरुणावर कोयत्याने वार करुन त्याला जीवे ठार मारण्याचा प्रयत्न केल्याचा प्रकार समोर आला आहे.
या घटनेत अक्षय दत्तात्रय बांदल (वय २६, रा. विश्व हाईटस, सिद्धिविनायक सोसायटी, आंबेगाव) यांच्यावर भारती हॉस्पिटलमध्ये उपचार करण्यात येत आहे. आंबेगाव पोलिसांनी हॉस्पिटलमध्ये जाऊन त्यांची फिर्याद घेतली आहे. त्यावरुन पोलिसांनी मृणाल दीपक जाधव (वय १९, रा. राज टॉवर, भाजी मंडई, कात्रज) याला अटक केली आहे. त्याच्या दोन अल्पवयीन साथीदारांवर खुनाचा प्रयत्न केल्याचा गुन्हा दाखल केला आहे. ही घटना पुणे बंगलोर महामार्गावरील आंबेगाव येथी सीसी डी कॅफे समोर २ नोव्हेंबर रोजी सायंकाळी ६ वाजता घडला.
पोलिसांनी दिलेल्या माहितीनुसार, अक्षय बांदल हे त्यांचा भाऊ आकाश बांदल, ओंकार बांदल, मित्र सार्थक वाल्हेकर, अमन भाटिया यांच्याबरोबर घरी क्रिकेट सामना पाहत होते. त्यानंतर ते कारने सीसीडी कॅफे येथे कारने कॉफी पिण्यासाठी गेले. कॉफी पिऊन झाल्यावर बाहेर येऊन कारच्या पाठीमागे गप्पा मारत उभे होते. त्यावेळी कारचे पुढील बोनेटला कोणीतरी धडकल्याचा आवाज आला. त्यांनी पुढे जाऊन पाहिल्यावर एका मोपेडने कारच्या बोनेटला धडक दिली होती. मोपेडवरील तिघे जण खाली पडले. यावेळी एका अल्पवयीन मुलाने कमरेचा कोयता काढून याला आज जिवंत सोडायचे नाही, असे म्हणत अक्षय यांच्या डोक्यावर वार केला. त्यानंतर मृणाल जाधव याने त्याच्याकडील कोयत्याने अक्षय बांदल यांच्या डाव्या हाताचे पंजावर वार केला.दुसर्‍या मुलाने त्याच्याकडील कोयत्याने उजव्या हाताचे मनगटावर, पाठीवर व डाव्या पायाचे पजावर मारुन त्यांना गंभीर जखमी केले. त्यांना वाचविण्यासाठी मित्र पुढे झाल्यावर या तिघांनी हवेत कोयते फिरवून ‘‘आम्ही इथले भाई आहोत़ कुणी आमचे नादी लागू नका’’ असे बोलून दहशत पसरवित ते पळून गेले. अक्षय बांदल याला भाऊ व मित्रांनी भारती हॉस्पिटलमध्ये दाखल केले. सहायक पोलीस निरीक्षक मुलाणी तपास करीत आहेत.
