Pune Crime News | वीजेचा धक्का बसून तीन कामगारांचा मृत्यु; पुराच्या पाण्यातून अंडा भुर्जीचा स्टॉल हलविताना बसला धक्का

पुणे : Pune Crime News | खडकवासला धरणातून (Khadakwasla Dam) मोठ्या प्रमाणावर पाणी सोडण्यात आल्याने डेक्कन येथील झेड ब्रीजखाली (Deccan Z Bridge) असलेल्या स्टॉलमध्ये पाणी शिरले. तेथील अंडा भुर्जी स्टॉल हलविताना वीजेचा धक्का बसल्याने तीन तरुण कामगारांचा मृत्यु झाला. आज पहाटे तीन वाजण्याच्या सुमारास ही घटना घडली.

अभिषेक अजय घाणेकर (वय २५, रा. पुलाची वाडी, डेक्कन), आकाश विनायक माने (वय २१, रा. पूलाची वाडी डेक्कन), शिवा जिदबहादुर परिहार (वय १८, नेपाळी कामगार) अशी मृत्यु पावलेल्यांची नावे आहेत.

पुण्यात गेल्या दहा वर्षातील विक्रमी पाऊस बुधवारी दिवसभर पडत होता. त्यामुळे खडकवासला धरण पूर्ण भरले. घाटमाथ्यावर जोरदार पाऊस पडत असल्याने खडकवासला धरणातून नदीपात्रात मोठ्या प्रमाणावर पाणी सोडण्यात आले. त्यामुळे भिडे पुल बुधवारी सायंकाळी पाण्याखाली गेला. रात्री उशिरा भिडे पुलाखालील (Baba Bhide Bridge) चौपाटीमध्ये पाणी शिरले. पहाटे तीन वाजण्याच्या सुमारास या चौपाटीतील अंडा भुर्जीचा स्टॉल सुरक्षित ठिकाणी हलविण्याचा प्रयत्न तेथे काम करणारे तीन कामगार करत होते. त्यावेळी त्यांना वीजेचा धक्का बसला. त्यांना तातडीने सह्याद्री हॉस्पिटलमध्ये (Sahyadri Hospital) नेण्यात आले. डॉक्टरांनी त्यांना मृत्यु पावल्याचे घोषित केले. डेक्कन जिमखाना पोलीस (Deccan Police Station) अधिक तपास करीत आहेत.

दरम्यान, आज देखील अतिवृष्टीची शक्यता हवामान विभागाने (IMD Alert) वर्तवली आहे. मुंबईसह ठाणे, कल्याण परिसरात आज जोरदार पाऊस पडण्याची शक्यता हवामान विभागाने वर्तवली आहे. मुंबईत अनेक भागांत मंगळवारी मुसळधार पावसाने हजेरी लावली. आयएमडीने आज बुधवारी मुंबईसाठी यलो अलर्ट जारी केला आहे.

शहर आणि उपनगरात मध्यम ते मुसळधार पाऊस तर, तुरळक ठिकाणी अतिमुसळधार पावसाची शक्यता आहे. अधूनमधून ताशी ४५ ते ५५ किमी वेगाने वारे वाहण्याची शक्यता आहे. कमाल व किमान तापमान २८ अंशांच्या आसपास राहण्याची शक्यता असून २४ अंश सेल्सिअस तापमान राहील’ असा अंदाज आयएमडी मुंबईने वर्तवला आहे.

आज पुण्याला मुसळधार पावसाचा इशारा देण्यात आला आहे.
जिल्ह्यात ऑरेंज अलर्ट देण्यात आला असून घाट माथ्यावर अतिमुसळधार पावसाचा अंदाज
तर इतर भागात मध्यम पावसाचा अंदाज हवामान विभागाने वर्तवला आहे.
तसेच कोकणातील रायगड, सातारा जिल्ह्याच्या घाटमाथ्यावर मुसळधार पावसाचा ‘रेड’ अलर्ट आहे.
तर पालघर, ठाणे, रत्नागिरी, सिंधुदुर्ग जिल्ह्यांसह नाशिक, पुणे, कोल्हापूर जिल्ह्याच्या घाटमाथ्यावर जोरदार पावसाचा ‘ऑरेंज’ अलर्ट आहे. (Pune Rains)

मुंबई, नंदूरबार, धुळे, जळगाव जिल्ह्यात जोरदार पावसाचा इशारा आहे.
विदर्भात तुरळक ठिकाणी जोरदार पावसाची शक्यता आहे.
उर्वरित राज्यात पावसांच्या हलक्या सरींसह मुख्यतः पावसाची उघडीप राहण्याची शक्यता वर्तविण्यात आली आहे.

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj?igsh=MTRpdmZqcHdqcGM1Yg==

Follow puneriawaz.co.in : https://puneriawaz.co.in/

हे देखील वाचा

Khadakwasla Dam | खडकवासला धरण 100 टक्के भरले ! मुठा नदीपात्रात पाणी सोडण्यास सुरुवात; नागरिकांना खबरदारीचे आवाहन

Kothrud Hit & Run Case | कोथरूडमध्ये हिट अँड रन; खाजगी बसने दुचाकीस्वारासह इतर वाहनांना उडवले (Video)

Sindhudurg Crime News | पोलीस दलात अधिकारी असल्याचे भासवत नोकरीचे आमिष दाखवत फसवणूक

Lonavala Rains | लोणावळ्यात विक्रमी पावसाची नोंद ! गेल्या 24 तासांत तब्बल 275 मिलीमीटर पावसाची नोंद