Pune Pimpri Chinchwad Crime News | पोलिसी खाक्या दाखविताच भाई लागला माफी मागू; पान टपरी चालकाकडून हप्ता वसुलीचा व्हिडिओ केला होता व्हायरल
पिंपरी : Pune Pimpri Chinchwad Crime News | पिंपळे गुरव येथील पान टपरी चालकाकडून हप्ता वसुल hafta vasuli (extortion) करुन त्याच्या व्हिडिओ सोशल मीडियावर व्हायरल करुन दहशत निर्माण करण्याचा प्रयत्न गुंडाने केला. हा व्हिडिओ पाहून पोलिसांनी त्याला काही तासात उचलला. त्याला पोलिसी खाक्या दाखविताच त्यांची भाईगिरी चांगलीच उतरली. सोशल मीडियावर हाच भाई हात जोडून माफी मागू लागला. (Pimpri Chinchwad Police)
नुकूल ऊर्फ नक्या गायकवाड (Nakul Alias Nakya Gaikwad) असे या गुंडाचे नाव आहे. याबाबत महेंद्र श्याम बहादूर प्रतापसिंह यांनी सांगवी पोलीस ठाण्यात फिर्याद दिली आहे.
पिंपळे गुरव येथे महेंद्र यांची पानटपरी आहे. नक्या गायकवाड व त्याचे साथीदार हे पानटपरीवर येऊन हप्त्याची मागणी करत. आधी बरणीने तर कधी हाताने मारहाण करुन शिवीगाळ करत असत. महेंद्र पान टपरीवर असताना नक्या व त्याचे साथीदार आले. त्यांनी हप्त्याची मागणी करुन महेंद्रच्या अंगावर बरणी फेकून मारली. त्यानंतर मग मारला़ हाताने मारहाण करत, तो म्हणाला, ही शेजारची टपरी माझ्यामुळे बंद आहे. पिंपळे गुरवमध्ये माझं नाव कोणालाही विचार, अशी धमकी देऊन तो पैसे घेऊन गेला. गेले कित्येक दिवस त्याची ही हप्तेखोरी चालू होती़ पण, त्याच्या साथीदाराने आपली दहशत पसविण्यासाठी महेंद्रवर केलेल्या दादागिरीचा व्हिडिओ बनविला आणि तो सोशल मीडियावर टाकला अन तेथेच घात झाला. हा व्हिडिओ काही वेळात तुफान व्हायरल झाला.
सांगवी पोलिसांच्या (Sangvi Police Station) तपास पथकापर्यंत हा व्हिडिओ पोहचला. त्यांनी काही वेळातच नक्याला ताब्यात घेतले. त्याला आपला पोलिसी खाक्या दाखविताच त्याची भाईगिरी उतरली. जसा त्याने टपरीचालकाबरोबर व्हिडिओ केला होता. तसाच माफीनाम्या व्हिडिओ पोलिसांनी त्याला करायला लावला.
नक्या गायकवाड या व्हिडिओमध्ये गयावया करत म्हणतो, मी काल टपरीवाल्याला मारले होते.
त्याच्याकडून पैसे घेतले होते. सांगवी डीबी पथकाने मला योग्य त्या भाषेत समजावून सांगितले आहे.
मी यापुढे तसे करणार नाही, तुम्हीही करु नका. (Pune Pimpri Chinchwad Crime News)
या व्हिडिओवर पोलिसांचे कौतुक करणारे असंख्य मेसेज आले असून त्यात सांगवी पोलिसांना सलाम म्हटले आहे.
त्या दोघांवर खंडणीचा गुन्हा दाखल करावा.
लोकांना त्रास देणार्‍या गावगुंडांना पोलिसांनी असाच धडा शिकवावा, असे नेटकर्‍यांनी म्हटले आहे.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj?igsh=MTRpdmZqcHdqcGM1Yg==
Follow puneriawaz.co.in : https://puneriawaz.co.in/
हे देखील वाचा
ACP Satish Govekar | सहायक पोलीस आयुक्त सतीश गोवेकर यांना राष्ट्रपती विशिष्ट सेवा पोलीस पदक जाहीर
