Pune Police Combing Operation | कोंबिंग ऑपरेशनमध्ये एकाच रात्रीत 4 तडीपार गुंडांना अटक ! वारजे, कोंढवा, वडारवाडी, येरवड्यात कारवाई
पुणे : Pune Police Combing Operation | तडीपार केले असतानाही शहरात येऊन राहून अनेक तडीपार गुंड दहशत निर्माण करीत असल्याचे दिसून येत आहे. शहर पोलीस दलाने राबविलेल्या कोंबिंग ऑपरेशनमध्ये एकाच रात्रीत ४ तडीपार गुंडांना जेरबंद केले आहे. (Tadipar Criminal Arrest)
दरोडा व वाहनचोरी विरोधी पथकाकडील (Pune Crime Branch) अंमलदार साईकुमार कारके यांना तडीपार गुंड पियुष ऊर्फ कान्हा सतिश जाधव हा घराजवळ येणार असल्याची माहिती मिळाली. त्यानुसार पोलीस पथक त्याची खातजमा करण्यासाठी त्याच्या घराजवळ पोहचले. त्यांनी पियुष ऊर्फ कान्हा सतिश जाधव (वय २०, रा. वारजे जकात नाका) याला ताब्यात घेतले. त्याला यावर्षी पुणे शहर, पिंपरी चिंचवड व पुणे जिल्ह्यातून तडीपार करण्यात आले होते. तरी तो शहरात आल्याने वारजे माळवाडी पोलीस ठाण्यात (Warje Malwadi Police) गुन्हा दाखल केला आहे. दरोडा व वाहनचोरी विरोधी पथकाने ही कामगिरी केली.
वडारवाडी येथील पांडवनगरमधील एसआरए बिल्डिंग समोर थांबलेला तडीपार गुंड लवकुश रामअधिल चौहान (वय २२, रा. एसआरए बिल्डिंग, पांडवनगर) याला गुन्हे शाखेच्या युनिट ४ च्या पथकाने पकडले. त्याला पुणे शहर, पिंपरी चिंचवड व पुणे जिल्ह्यातून २० सप्टेबर २०२४ रोजी पोलीस उपायुक्त हिमंत जाधव यांनी २ वर्षांकरीता तडीपार केले होते. या आदेशाचा भंग करुन तो पुन्हा घरी रहायला आला होता.
गुन्हे शाखेच्या युनिट ४ च्या पथकाने आकाश किसन राठोड (वय ३०, रा. पांडु लमाण वस्ती, येरवडा) याला तडीपाराचा भंग केल्याप्रकरणी ताब्यात घेतले आहे. पोलीस उपायुक्त हिंमत जाधव यांनी आकाश राठोड याला ३१ डिसेबर २०२३ रोजी पुणे शहर, पिंपरी चिंचवड व पुणे जिल्ह्यातून २ वर्षांकरीता तडीपार केले होते. या आदेशाचा भंग करुन तो येरवड्यातील चिमा घाट पर्णकुटी येथील सार्वजनिक ठिकाणी थांबलेला पोलिसांना आढळून आला होता.
दरोडा व वाहन चोरी विरोधी पथकाने मनोज राजू सोनटक्के (वय २९, रा. कात्रज कोंढवा रोड, गोकुळनगर)
याला तडीपारीचा भंग केल्याप्रकरणी पकडले. पोलीस उपायुक्त आर राजा
यांनी मनोज सोनटक्के याला २० एप्रिल २०२४ पासून एक वर्षाकरीता तडीपार केले होते. असे असतानाही तो पुन्हा घरी आला होता.
विधानसभा निवडणुकीच्या अनुषंगाने शहर पोलीस दलाने कोंबिंग ऑपरेशन आयोजित केले होते.
त्यात हे तडीपार गुंड शहरातच रहात असल्याचे आढळून आले आहे. (Pune Police Combing Operation)
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
FIR On PMC Officers In Pune | पुणे महापालिका उपायुक्तासह शिक्षणाधिकारी, लिपिकांवर गुन्हा दाखल !
बनावट डिग्रीची मार्कलिस्ट तयार करुन महापालिकेची फसवणूक, आणखी पाच अधिकाऱ्यांच्या डिग्रीविषयी संशय
Maharashtra Assembly Election 2024 | ‘शरद पवार, ठाकरेंनी मनोज जरांगेंशी बोलायला सांगितलं’,
ऍड.असिम सरोदेंचा मोठा गौप्यस्फोट; म्हणाले – ” जरांगेंच्या भेटीत विधानसभेला उमेदवार न देण्याबाबत चर्चा…”
Devendra Fadnavis On Sharad Pawar | देवेंद्र फडणवीसांचा मोठा गौप्यस्फोट; म्हणाले –
“शरद पवारांच्या ‘त्या’ पत्रामुळेच 2019 मध्ये राष्ट्रपती राजवट लागू झाली”
