Ravindra Dhangekar | शिवसेना प्रवेशाच्या चर्चेवर रवींद्र धंगेकरांचे भाष्य; म्हणाले – “मला काही वाटलं तर…”

पुणे : Ravindra Dhangekar | माजी आमदार रवींद्र धंगेकर हे शिवसेनेत प्रवेश करणार, अशा चर्चा सुरु आहेत. त्याचं कारण म्हणजे त्यांनी शिवसेना पक्षप्रमुख एकनाथ शिंदे यांची भेट घेतली होती. दरम्यान आता धंगेकरांनी शिवसेना प्रवेशाबाबत आपली भूमिका स्पष्ट केली आहे.

काँग्रेसचे माजी आमदार रवींद्र धंगेकर आणि शिवसेना उद्धव बाळासाहेब ठाकरे पक्षाचे माजी आमदार महादेव बाबर यांनी गुरुवारी (दि.३०) शिवसेना पक्ष प्रमुख आणि उपमुख्यमंत्री एकनाथ शिंदे यांची भेट घेतली. या भेटीमुळे राजकीय वर्तुळात तर्कवितर्क लढविले जात होते. त्यांचा पक्षप्रवेश शुक्रवारीच होईल, अशीही चर्चा होती.

दरम्यान माध्यमांशी बोलताना रवींद्र धंगेकर म्हणाले, ” काल मी माझ्या वैयक्तिक कामासाठी एकनाथ शिंदेंना भेटलो. मी काही त्यांच्या पक्षात जाण्याचा विषय नव्हता. मी पक्षप्रवेश करणार नाही, मी घरातच आहे. राज्याचे उपमुख्यमंत्री म्हणून त्यांची काल भेट घेतली. बातम्या कीहीही येत आहे, त्यात काही तथ्य नाही. मला काही वाटलं तर अजूनही मी त्यांना भेटू शकतो, अजित पवारांनाही भेटू शकतो”, असे धंगेकर यांनी म्हंटले आहे. मात्र धंगेकर यांचा पक्षप्रवेश पुढे ढकलला का? असा प्रश्नही आता उपस्थित केला जात आहे.

माजी आमदार महादेव बाबर हडपसर विधानसभा मतदारसंघातून निवडणूक लढविण्यासाठी इच्छुक होते.
परंतु ही जागा शरद पवार यांच्या राष्ट्रवादी काँग्रेसच्या वाट्याला गेली होती.
बाबर यांनी काही पदाधिकाऱ्यांसमवेत गुरुवारी पुण्यात शिंदे यांची भेट घेतली.
या भेटीमुळे तर्क-वितर्क लढविण्यात येत आहेत. (Ravindra Dhangekar)

इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/

Follow puneriawaz.co.in :https://puneriawaz.co.in/

हे देखील वाचा

Hindu Garjana Chasak 2025 | हिंदू गर्जना चषक राज्यस्तरीय कुस्ती स्पर्धा लोगोचे युवा उद्योजक पुनीत बालन यांच्या हस्ते अनावरण;
दि. 7 ते 9 फेब्रुवारी दरम्यान रंगणार आखाडा (Video)

Pune Metro News | पुणेकरांसाठी गुड न्यूज! ‘या’ मेट्रो मार्गास केंद्र सरकारचा हिरवा कंदील,
वाहतूक कोंडी कमी करण्याचा प्रयत्न