Shivsena Shinde Group MLA | शिवसेना शिंदे गटाच्या आमदाराचा उद्धव ठाकरेंवर गंभीर आरोप; म्हणाले…
वैजापूर: Shivsena Shinde Group MLA | आगामी विधानसभा निवडणुकीच्या (Maharashtra Assembly Election 2024) पार्श्वभूमीवर उद्धव ठाकरे यांनी नुकतीच वैजापूरमध्ये (Vaijapur Assembly Constituency) जाहीर सभा घेतली. या सभेत त्यांनी शिवसेनेच्या शिंदे गटावर आणि स्थानिक आमदार रमेश बोरनारे (MLA Ramesh Bornare) यांच्यावर टीका केली.
“४० आमदारांनी पक्षाशी गदारी करून महाराष्ट्राच्या मातीला गद्दारीचा कलंक लावला. वैजापूरच्या आमदाराने या भूमीलाही कलंक लावला आहे. येत्या निवडणुकीत या गद्दारांनी शिवसेनेच्या मशालीचा सामना करून दाखवावा”, असे आव्हान उद्धव ठाकरेंनी (Uddhav Thackeray) दिले होते. ठाकरे यांच्या या टीकेला आता बोरनारे यांनी आज (दि.१८) वैजापुरात सभा घेऊन प्रत्युत्तर दिलं आहे.
रमेश बोरनारे म्हणाले, ” २०१९ च्या निवडणुकीत वैजापूर विधानसभेची उमेदवारी देत असताना पैशाचा वापर होणार होता. पैसे घेऊन वैजापूरची उमेदवारी देण्याचा प्रयत्न केला गेला.
एका माणसाला बळजबरीने पैशांच्या बदल्यात उमेदवारी दिली जाणार होती. उमेदवारी विकण्याचा घाट त्यांनी घातला होता आणि काल ते वैजापूरला येऊन माझ्यावर टीका करून गेले. माजी मुख्यमंत्र्यांचा तोल ढासळला आहे. त्यामुळेच एका आमदारावर टीका करू लागले आहेत. ते त्यांना शोभत नाही.”
ते पुढे म्हणाले, “आम्हाला वाटलेलं वैजापूरला आल्यावर ठाकरे एखाद्या उमेदवाराच्या नावाची घोषणा करतील.
पण ते आले आणि टीका करून गेले. मला फक्त एकच सांगायचं आहे की
मागील निवडणुकीत मला सहज उमेदवारी मिळाली नाही. ते शेवटच्या क्षणी पैसे देणाऱ्याला तिकीट देणार होते.
मात्र मी त्यांना भेटून सांगितलं की गेल्या २५ वर्षांपासून मी शिवसेनेसाठी किती काम केलं आहे.
मी त्यांना आजवर केलेल्या कामांची माहिती दिली.
मी त्यांना म्हटलं माझ्यासारख्या कार्यकर्त्याला तिकीट दिलं नाही तर शिवसैनिक आत्महत्या करतील”,
असे भाष्य बोरनारे यांनी केलं.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in : https://puneriawaz.co.in/
हे देखील वाचा
