Solapur Crime News | विवाहितेला कारमधून लॉजवर नेलं, मारहाण करत जीवे ठार मारण्याची धमकी; मानलेल्या भावासह प्रियकराने आळीपाळीने केला अत्याचार; घटनेने संताप व्यक्त
सोलापूर : Solapur Crime News | बार्शी तालुक्यामधून एक संतापजनक घटना समोर आली आहे. मानलेल्या भावासह तिच्या प्रियकराने ३४ वर्षीय विवाहितेवर अत्याचार केल्याची घटना घडली आहे. मानलेल्या भावाने व प्रियकराने मिळून ३४ वर्षीय विवाहित महिलेला कारमधून कुर्डुवाडी रस्त्यावरील लॉजवर नेऊन तेथे तिला मारहाण करून जीवे ठार मारण्याची धमकी देत तिच्यावरती सामूहिक अत्याचार केला आहे. या घटनेने संताप व्यक्त केला जात आहे. (Rape Case)
पीडित महिलेने दिलेल्या फिर्यादीनंतर पोलिसांनी सुरेश परसु माळी व संतोष भास्कर भानवसे अशा दोघांवर गुन्हा दाखल केला आहे. या दोघांनाही अटक करून बार्शी न्यायालयात हजर केले असता त्यांना पोलीस कोठडी सुनावण्यात आली आहे.
अधिक माहितीनुसार, पीडितेचा नवरा पुण्यामध्ये सेंट्रिंगचे काम करतो, तर पिडित विवाहित महिला तीन महिन्यांपासून आपल्या मुलीसोबत बार्शीमध्ये राहते. सुरेश परसु माळी याच्यासोबत संबंधित पिडितेचे सुमारे ७ वर्षांपासून प्रेमसंबंध होते. सुरेशचा मित्र संतोष भास्कर भानवसे हा विवाहितेला बहीण मानत होता. सुरेश माळी व संतोष भानवसे हे दोघे सप्टेंबर महिन्यात पुण्यातून पीडितेला बार्शीला न्यायला आले. त्यास पीडितेने नकार देताच सुरेशने तिला मारहाण केली होती.
नंतर पिडित विवाहित महिला बार्शीत आल्यावर संतोष म्हणाला की, तू माझी बहीण आहेस. तुझं सुरेश ऐकतो. त्यामुळे त्याच्या मुलीसोबत माझ्या मुलाचे लग्न जमवून दे. तेव्हा सुरेशशी बोलून त्याच्या मुलीचे संतोषच्या मुलाशी लग्न जुळवून दिले. दि. २२ डिसेंबर २०२४ रोजी पिडिता लग्नाला आली होती. लग्न झाल्यानंतर पीडितेचा पती जास्त दारूच्या नशेत असल्याने त्याला सुरेश माळी व संतोष भानवसे यांनी वऱ्हाडाच्या गाडीत पाठवून दिले.
त्यानंतर रात्री साडे अकराच्या सुमारास या दोघांनी मिळून पिडितेस चल तुला घरी तुझ्या गावी घेऊन जातो असे म्हणून सुरेश माळी याने त्याच्या स्वीफ्ट गाडीमध्ये बसवून कुर्डूवाडी रोडवरील लॉजवर नेले. तिथे सुरेश माळी आणि संतोष भानवसे यांनी आळीपाळीने महिलेवर अत्याचार केला. तसेच तू गावात राहायचे नाही. तू पुण्यात जाऊन राहायचे. जर पोलिसात तक्रार दिली तर तुला जिवंत सोडणार नाही, अशी धमकी दिली, असे फिर्यादीत नमूद करण्यात आले आहे. या घटनेचा अधिक तपास पोलीस उपनिरीक्षक बालाजी वळसने करीत आहेत.
