Sonia Gandhi Birthday | सोनिया गांधींच्या वाढदिवसानिमित्त सेवा, कर्तव्य आणि त्याग सप्ताहाचे पृथ्वीराज चव्हाण यांच्या हस्ते उद्घाटन; माजी मुख्यामंत्री म्हणाले – ‘सोनिया गांधी दूरदृष्टीच्या नेत्या’
पुणे : Sonia Gandhi Birthday | माहितीचा अधिकार, अन्न सुरक्षा कायदा, हे कायदे आणि मनरेगा योजना आणणाऱ्या आदरणीय सोनिया गांधी या दूरदृष्टीच्या नेत्या आहेत, असे प्रतिपादन माजी मुख्य मंत्री पृथ्वीराज चव्हाण (Prithviraj Chavan) यांनी सोमवारी ‘सेवा, कर्तव्य आणि त्याग सप्ताहा’च्या उदघाटन प्रसंगी बोलताना केले.
अखिल भारतीय काँग्रेस पक्षाच्या माजी अध्यक्षा सोनिया गांधी यांच्या वाढदिवसानिमित्त ‘सेवा, कर्तव्य, त्याग सप्ताहा’चे उदघाटन पृथ्वीराज चव्हाण यांच्या हस्ते झाले. कार्यक्रमाला काँग्रेसचे ज्येष्ठ नेते उल्हास पवार (Ulhas Pawar) प्रमुख पाहुणे म्हणून उपस्थित होते. या प्रसंगी माजी मंत्री रमेश बागवे (Ramesh Bagwe), माजी आमदार रवींद्र धंगेकर (Ravindra Dhangekar), डॉ. कैलास कदम, प्रदेश काँग्रेसचे सरचिटणीस संजय बालगुडे तसेच दत्ता बहिरट, लता राजगुरू, अविनाश बागवे, सदानंद शेट्टी, चंद्रशेखर कपोते, भीमराव पाटोळे, अनील सोंडकर, प्रशांत सुरसे, सौरभ अमराळे, सप्ताहाचे आयोजक, माजी आमदार, प्रदेश काँग्रेसचे उपाध्यक्ष मोहन जोशी (Mohan Joshi Pune) व्यासपीठावर उपस्थित होते. मराठा चेंबर ऑफ कॉमर्सच्या पदमजी हॉलमध्ये हा कार्यक्रम झाला.
सोनियाजींनी पंतप्रधानपदाचा त्याग केला, त्या क्षणाचा मी साक्षीदार आहे. १९९१साली सोनियाजींनी केवळ इच्छा व्यक्त केली असती तरी, त्या पंतप्रधान झाल्या असत्या. २००४सालच्या निवडणुकीतील विजय हा सोनिया गांधींचा होता. त्यांच्या जाहीरनाम्यावर लोकांनी मते दिली. तरीही त्यांनी पंतप्रधानपद स्वीकारले नाही, असे पृथ्वीराज चव्हाण यांनी सांगितले.
विधानसभा निवडणुकीचा निकाल आश्चर्यकारक आहे. लोकशाही पद्धतीने निवडणूक घेतली हे सिद्ध करून लोकांच्या मनातील संशय दूर करण्याची जबाबदारी निवडणूक आयोग आणि केंद्र सरकारची आहे, असे चव्हाण यांनी सांगितले.
सोनिया गांधींच्या त्यागाची आठवण जपणारा असा उपक्रम देशात कुठेही होत नाही. मात्र, गेली २० वर्षे मोहन जोशी यांनी हा उपक्रम सातत्याने चालू ठेवला आहे. याबद्दल त्यांचे अभिनंदन केले पाहिजे, असे पृथ्वीराज चव्हाण म्हणाले.
सोनिया गांधी यांनी भारतीय संस्कृती जपली. त्यांनी भारताची सेवा केली. महात्मा गांधी, पंडित नेहरू, इंदिरा गांधी यांची प्रतिमा मलीन करण्याची मोहीम सध्या सुरू आहे, त्या विरोधात रस्त्यावर उतरले पाहिजे, असे मत उल्हास पवार यांनी व्यक्त केले.
या सप्ताहाची माहिती मोहन जोशी यांनी या कार्यक्रमात बोलताना दिली.
विधानसभा निवडणुकीतील एकतर्फी निकालामुळे अस्वस्थता असली तरी, काँग्रेसचा कार्यकर्ता ‘जिवंत’ आहे.
आगामी निवडणुकांना सामोरे जाण्यासाठी तो तयार आहे, अशी ग्वाही मोहन जोशी यांनी दिली.
कार्यक्रमाचे सूत्रसंचालन प्रथमेश आबनावे यांनी केले. दत्ता बहिरट यांनी सर्वांचे आभार मानले. (Sonia Gandhi Birthday)
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
Maharashtra ACB News | भ्रष्टाचाराचे लोकांनाच काही पडले नाही ! लाच लुचपत प्रतिबंधक विभागाकडे
तक्रारीचे प्रमाण 15 टक्क्यांनी घटले, अपसंपदा बाळगल्यांची 3168 कोटींची मालमत्ता जप्त
Katraj Kondhwa Road | कात्रज – कोंढवा रस्ता 84 मीटर रुंद करणार ! केंद्रीय मंत्री नितीन गडकरी
यांच्या आश्‍वासनानंतर पुणे महापालिकेकडून पाठपुरावा सुरू
Cultural Department Maharashtra | राष्ट्रवादीकडे सांस्कृतिक विभाग घेण्याची अजित पवार यांच्याकडे
कलावंतांच्या वतीने मंगेश मोरे यांची मागणी
