Viman Nagar Pune Accident News | पुणे: रुग्णालयातून उपचार घेऊन घरी जाताना दोघांना मृत्यूनं गाठलं, पुणे विमानतळ परिसरात दीर-भावजयीचा दुर्दैवी मृत्यू
पुणे : Viman Nagar Pune Accident News | विमानतळाच्या परिसरात दुचाकी आणि चारचाकी गाडीची समोरासमोर धडक झाल्याने झालेल्या भीषण अपघातात दीर भावजयीचा मृत्यू झाल्याची घटना घडली आहे. आशीर्वाद नागेश गोवेकर (वय ५२ रा. मापसा, गोवा) आणि रेश्मा रमेश गोवेकर (वय ६६ रा. भैरवनगर, पुणे) असे अपघातात मृत पावलेल्या दीर-भावजय यांची नावे आहेत.
एअरफोर्सच्या ईसीएच हॉस्पिटलमधून उपचार घेऊन घरी जात असताना दोघांना मृत्यूने गाठले. अपघातानंतर दीर आशीर्वाद गोवेकर यांचा जागीच मृत्यू झाला तर रेश्मा यांचा उपचारादरम्यान रुग्णालयात मृत्यू झाला. हा अपघात गुरुवार (दि.२) रोजी सकाळी ९ च्या सुमारास येरवडा ते विमानतळ रस्त्यावर घडला. या अपघाताची नोंद विमानतळ पोलीस ठाण्यात झाली आहे. घटनेचा पुढील तपास पोलीस करत आहेत.
विमानतळ पोलीस ठाण्याचे सहाय्यक पोलीस निरीक्षक साईबा पोटे यांनी दिलेल्या माहितीनुसार, अपघातातील मयत आशीर्वाद गोवेकर आणि रेश्मा गोवेकर हे नात्याने दीर-भावजय आहेत. गुरुवारी रेश्मा यांची तब्येत बिघडल्याने त्यांना एअर फोर्सच्या ईसीएच रुग्णालयात नेण्यात आले होते. उपचारानंतर दीर आशीर्वाद गोवेकर आपल्या भावजयीला घेऊन घरी निघाले होते. रुग्णालयातून बाहेर पडल्यानंतर ते येरवडा ते विमानतळ या मुख्य रस्त्यावरून उजवीकडे फाईव्ह नाईन चौकाकडे वळत होते.
दुचाकी वळण घेत असताना येरवड्याच्या दिशेने जाणारी बस आणि इतर वाहने थांबली होती. याच दरम्यान फाईव्ह नाईन च्या दिशेने भरधाव वेगात आलेल्या महिंद्रा एसयूव्ही कारने थांबलेल्या बस व इतर वाहनांना ओव्हरटेक करत दुचाकीला समोरासमोर धडक झाली. हा अपघात इतका भीषण होता की, आशीर्वाद गोवेकर यांचा जागीच मृत्यू झाला. तर रेश्मा गोवेकर या गंभीर जखमी झाल्या.
यावेळी त्यांना जखमी अवस्थेत जवळील ईसीएच रुग्णालयात दाखल करण्यात आले.
तेथे प्राथमिक उपचार करून पुढील उपचारासाठी कमांड हॉस्पिटलमध्ये नेण्यात आले.
मात्र इथे उपचार सुरू असताना रेश्मा यांचा मृत्यू झाला.
रात्री उशिरा मयत रेश्मा यांच्या मुलीने विमानतळ पोलीस ठाण्यात तक्रार दिली.
घटनेचा पुढील तपास पोलीस करीत आहेत. (Viman Nagar Pune Accident News)
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
Pune PMC News | नगरसेवक नसल्याने पुणे महापालिकेचा ‘स्वैर’ कारभार !
पर्यावरण पूरक प्रकल्प राबविणार्‍यां मिळकत धारकांमागेच प्रशासनाचा ‘तगादा’
Pune Police MPDA Action | धडाकेबाज ! अवघ्या 11 महिन्यात MPDA कारवाईचे शतक;
पोलीस आयुक्त अमितेश कुमार यांनी 103 अट्टल गुन्हेगारांना केले स्थानबद्ध
