Lieutenant General Dhiraj Seth | लेफ्टनंट जनरल धीरज सेठ यांनी साउदर्न कमांडची सूत्रे सोडली; 1 एप्रिलपासून उपलष्करप्रमुख पदाची धुरा स्वीकारणार
Lieutenant General Dhiraj Seth | लेफ्टनंट जनरल धीरज सेठ, पीव्हीएसएम, यूवायएसएम, एव्हीएसएम यांनी 31 मार्च 2026 रोजी साउदर्न कमांडच्या कमांडची सूत्रे अधिकृतपणे सोडली. त्यांच्या कार्यकाळात ऑपरेशनल सज्जतेवर भर, संस्थात्मक परिवर्तन आणि भविष्यासाठी सज्ज सैन्य उभारण्याच्या दृष्टीने महत्त्वपूर्ण काम करण्यात आले.
या प्रसंगी लेफ्टनंट जनरल धीरज सेठ यांनी साउदर्न कमांड वॉर मेमोरियल येथे पुष्पचक्र अर्पण करून देशासाठी सर्वोच्च बलिदान देणाऱ्या शूर जवानांना आदरांजली वाहिली. त्यानंतर त्यांनी साउदर्न कमांड मुख्यालयात गार्ड ऑफ ऑनरची पाहणी केली.
साउदर्न कमांडमधील सर्व अधिकारी आणि जवानांना दिलेल्या संदेशात त्यांनी तांत्रिक साधनसामग्रीचा अधिकाधिक स्वीकार, मल्टी-डोमेन ऑपरेशन्ससाठी युद्धतयारी अधिक सक्षम करणे आणि भविष्यासाठी तयार सैन्याची मजबूत पायाभरणी करण्याचे आवाहन केले.
लेफ्टनंट जनरल धीरज सेठ हे 1 एप्रिल 2026 पासून उपलष्करप्रमुख (Vice Chief of Army Staff) पदाची जबाबदारी स्वीकारणार आहेत.
