Kolhapur Crime News | कोल्हापूर: स्पर्धा परीक्षेतील अपयशाच्या नैराश्यातून युवकाने संपवलं जीवन
हातकणंगले (कोल्हापूर) : Kolhapur Crime News | स्पर्धा परीक्षेतील अपयशामुळे नैराश्यातून खोतवाडी येथील युवकाने गळफास घेऊन आपले जीवन संपवलं आहे. शुभम अशोक चौगुले (वय-२३, रा- शिंदे मळा) असे आत्महत्या केलेल्या युवकाचे नाव आहे. या घटनेची माहिती भाऊ महेश अशोक चौगुले यांनी शहापूर पोलिस ठाण्यात दिली आहे. या घटनेमुळे चौगुले कुटुंबीयांना धक्का बसला असून खोतवाडी परिसरात शोककळा पसरली आहे.
मिळालेल्या माहितीनुसार, शुभमने वाणिज्य शाखेतून पदवी घेतली होती. तो यड्राव येथील एका मोटारसायकल कंपनीत काम करीत होता. तो विविध स्पर्धा परीक्षाही देत होता. त्याने ज्यांना सहकार्य व मार्गदर्शन केले ते मित्र विविध ठिकाणी नोकरीला लागले. शुभमला मात्र स्पर्धा परीक्षेत यश येत नसल्यामुळे तो नैराश्यात होता.
रविवारी त्याला साप्ताहिक सुट्टी होती. त्यामुळे तो घरीच होता. सकाळी शुभम व त्याच्या आईने घरातील पाणी भरले. यानंतर शुभम अभ्यास करीत बसला तर आई झाडे लावण्यासाठी खड्डा काढण्यासाठी खुरपे घेऊन बाहेर गेली. या दरम्यान शुभमने हॉलमधील छताच्या हुकाला साडीने गळफास घेऊन जीवन संपविले.
बराच वेळ होऊनही शुभम दार उघडत नसल्याने खिडकीतून पाहिले असता ही घटना उघडकीस आली.
त्यानंतर पोलिसांना या घटनेबाबत सांगण्यात आले. पोलिसांनी त्याठिकाणी दाखल होत घटनास्थळाचा पंचनामा केला.
शुभमच्या अशा जाण्याने परिसरात हळहळ व्यक्त होत आहे. शुभमच्या पश्चात आई व भाऊ असा परिवार आहे. (Kolhapur Crime News)
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
Daund Leopard Attack | पुणे / दौंड: बिबट्याच्या हल्ल्यात महिलेचा मृत्यू; परिसरात भीतीचे वातावरण
Ozar Pune Accident News | पुणे : मोटारसायकल आणि कारच्या धडकेत एकाचा दुर्दैवी मृत्यू;
अपघातानंतर कार चालकाने पळ काढला
