Vadgaon Sheri Assembly Election 2024 | वडगाव शेरी परिसरात बापूसाहेब पठारेंच्या प्रचाराची दिंडी चर्चेत; ‘ताई आहे का घरात तुतारी आलीया दारात’, अशा घोषणा देत मतदारांना आकर्षित करण्याचा प्रयत्न
पुणे: Vadgaon Sheri Assembly Election 2024 | विधानसभा निवडणुकीच्या पार्श्वभूमीवर दिवाळी संपल्यानंतर लगेचच आता निवडणूकीच्या प्रचाराला वेग आला आहे. बहुतांश उमेदवारांनी आपली प्रचार कार्यालये सुरु केली असून घरोघरी प्रचाराला आता सुरुवात झाली आहे. (Vadgaon Sheri Assembly Election 2024)
विधानसभा निवडणूकीचा प्रचार आता रंगात आला आहे. दिवाळीपूर्वी उमेदवारी अर्ज भरून झाल्यामुळे निवडणूकीचे चित्र स्पष्ट झाले आहे. आपल्यासमोर कोणाचे आव्हान आहे हे उमेदवारांना स्पष्ट झाले असून आता खऱ्या अर्थाने निवडणूकीच्या प्रचाराला सुरुवात होणार आहे.
वडगाव शेरी विधानसभा मतदार संघात राष्ट्रवादी शरद पवार गटाचे (Sharad Pawar NCP) बापूसाहेब पठारे (Bapusaheb Pathare) आणि राष्ट्रवादी अजित पवार गटाचे (Ajit Pawar NCP) सुनील टिंगरे (Sunil Tingre) यांच्यात मुख्य लढत असणार आहे. पठारे यांनी अगोदरपासूनच घरोघरी भेट देत प्रचाराला सुरुवात केली होती. आता मात्र पठारे मतदारसंघात फिरुन प्रचार करत आहेत. ‘ताई आहे का घरातं, तुतारी आलीया दारातं’, अशा प्रकारच्या घोषणा देत घरोघरी पठारेंचा प्रचार सुरू आहे.
वडगाव शेरी परिसरात प्रचाराची दिंडी पाहायला मिळाली. अनेक लहान थोर आणि चिमुरडे वारकऱ्यांच्या वेशात या दिंडीत सहभागी झाली होते. टाळ मृदुंग आणि तुतारीच्या गजरात बापूसाहेब पठारे यांचा प्रचार सुरू होता. तर काही नागरिकांनी ‘ताई आहे का घरात तुतारी आलीया दारात’ अशा प्रकारच्या घोषणा देत मतदारांना आकर्षित करण्याचाही प्रयत्न केला आहे.
इन्स्टाग्राम पेजला फॉलो करण्यासाठी खालील लिंकवर क्लीक करा👇👇👇
https://www.instagram.com/puneriawaj/
Follow puneriawaz.co.in :https://puneriawaz.co.in/
हे देखील वाचा
