BJP Maharashtra | महाराष्ट्र भाजपची नवी कार्यकारिणी जाहीर; रविंद्र चव्हाण यांची संघटनात्मक फेररचना, कोणाला कोणतं पद मिळालं?

मुंबई :  BJP Maharashtra | भारतीय जनता पक्ष (भाजप) महाराष्ट्र प्रदेशाने नव्या कार्यकारिणीची घोषणा करत संघटनात्मक पातळीवर महत्त्वाची फेररचना केली आहे. प्रदेशाध्यक्ष रविंद्र चव्हाण यांनी नव्या कार्यकारिणीची यादी जाहीर केली असून, त्यामध्ये अनुभवी नेत्यांसोबतच नव्या आणि युवा चेहऱ्यांनाही स्थान देण्यात आले आहे. आगामी निवडणुकांच्या पार्श्वभूमीवर पक्ष संघटन अधिक मजबूत करण्याच्या दृष्टीने हा निर्णय घेतल्याचे मानले जात आहे.

या नव्या कार्यकारिणीत विविध पदांवर नियुक्त्या करण्यात आल्या आहेत. उपाध्यक्ष, सरचिटणीस, सचिव, कोषाध्यक्ष, मुख्य प्रवक्ते अशा महत्त्वाच्या जबाबदाऱ्या वाटप करण्यात आल्या असून, विविध मोर्चांनाही नवसंजीवनी देण्याचा प्रयत्न करण्यात आला आहे. महिला मोर्चा, युवा मोर्चा, ओबीसी मोर्चा आदी आघाड्यांवर नव्या नियुक्त्या करून पक्षाचा सामाजिक विस्तार वाढवण्याचा प्रयत्न दिसून येतो.

पक्षांतर्गत समतोल राखत प्रादेशिक आणि सामाजिक प्रतिनिधित्वाला प्राधान्य देण्यात आल्याचेही या यादीतून स्पष्ट होते. काही विद्यमान पदाधिकाऱ्यांना पुन्हा संधी देण्यात आली असून, काहींना नव्याने जबाबदाऱ्या सोपवण्यात आल्या आहेत. त्यामुळे संघटनात्मक सातत्य आणि नव्या उर्जेचा संगम साधण्याचा प्रयत्न भाजपने केला आहे.

राज्यातील बदलत्या राजकीय समीकरणांच्या पार्श्वभूमीवर ही कार्यकारिणी महत्त्वाची मानली जात आहे. बूथ स्तरापर्यंत पक्षाची पकड मजबूत करणे, विविध समाजघटकांपर्यंत पोहोच वाढवणे आणि आगामी निवडणुकांसाठी कार्यकर्त्यांना सज्ज करणे, या उद्देशाने ही फेरबदल करण्यात आल्याचे संकेत आहेत.

एकूणच, नव्या कार्यकारिणीच्या माध्यमातून महाराष्ट्र भाजपने संघटनात्मक बांधणी अधिक बळकट करण्याचा प्रयत्न सुरू केला असून, येत्या काळात या बदलांचा राजकीय परिणाम कसा उमटतो, याकडे सर्वांचे लक्ष लागले आहे.

भाजप पदाधिकाऱ्यांची यादी :

मुख्य प्रवक्ता – नवनाथ बन

भाजप प्रदेश उपाध्यक्ष –

– अतुल काळसेकर
– भारती पवार
– संजय कोरगे
– संजय भेंडे
– रामदास कडस
– केशव उपाध्ये
– गोपीचंद पडळकर
– प्रिया शिंदे
– सुजय विखे पाटील
– अर्चना पाटील चाकूरकर

भाजप सरचिटणीस –

– निरंजन डावखरे
– संजय कुटे
– माधवी नाईक
– राजेश पांडे
– सुनिल राणे
vयोगेश सागर

भाजप चिटणीस-

– मंगेश चव्हाण
– संजय कुटे
– परिणय फुके
– वर्षा डहाळे
– संजय जगताप
– अर्चना डेहणकर
– रोहिणी नायडू
– राम सातपुते
– प्रविण घुगे
– रेखा कुलकर्णी
– भैरवी घाक

भाजप युवा मोर्चा अध्यक्ष – कृष्णराज महाडिक

भाजप महिला मोर्चा अध्यक्ष – चित्रा वाघ

भाजप ओबीसी मोर्चा अध्यक्ष – योगेश टिळेकर

कोषाध्यक्ष –  मिहिर कोटेचा