Jio Prime News | जिओ प्राइम: 300 मध्ये वर्षभरासाठी रिचार्ज महाग होण्याची चिंता दूर
* जिओचा ₹299 चा विद्यमान प्लॅन सुरूच राहणार
* 20 ऑगस्टपासून सदस्यत्व उपलब्ध; पात्र विद्यमान प्लॅनची किंमत 5 सप्टेंबर 2027 पर्यंत लॉक करता येणार
* प्लॅन बदलण्याचेही स्वातंत्र्य; प्रीपेड, पोस्टपेड आणि नवीन ग्राहकांना जिओ प्राइमचा लाभ घेता येणार
मुंबई: Jio Prime News | मोबाईल रिचार्जचा वाढता खर्च टाळू इच्छिणाऱ्या ग्राहकांसाठी जिओ प्राइम एक वर्षासाठी रिचार्जच्या किमतीची हमी देणार आहे. ₹300 चे एकरकमी सदस्यत्व घेऊन ग्राहक त्यांच्या सध्याच्या जिओ प्लॅनची आजची किंमत 5 सप्टेंबर 2027 पर्यंत लॉक करू शकतील. म्हणजेच, प्राइम सदस्यांना संपूर्ण सदस्यत्व कालावधीत त्यांच्या प्लॅनसाठी सध्याच्याच किमतीत रिचार्ज करता येईल.
विशेष म्हणजे, जिओ प्राइम घेतल्यानंतर ग्राहक कोणत्याही एका प्लॅनपुरते मर्यादित राहणार नाहीत. त्यांना हवे असल्यास ते जिओच्या अन्य प्लॅनवरही रिचार्ज करू शकतील आणि त्यासोबत प्राइम सदस्यत्वाचे फायदेही मिळवत राहतील.
जिओ प्राइम 20 ऑगस्टपासून उपलब्ध होणार आहे. ग्राहक MyJio अॅप, Jio.com, जिओ स्टोअर्स किंवा अधिकृत जिओ पार्टनर स्टोअर्समधून सदस्यत्व घेऊ शकतील. विद्यमान प्रीपेड आणि पोस्टपेड ग्राहकांसोबतच नवीन जिओ ग्राहकांसाठीही प्राइम खुले आहे. इतर नेटवर्कवरील ग्राहक आपला नंबर पोर्ट करून किंवा नवीन जिओ कनेक्शन घेऊन जिओ प्राइममध्ये सहभागी होऊ शकतात.
टेलिकॉम बाजारात रिचार्जच्या किमती पुन्हा चर्चेत असताना जिओ प्राइमची घोषणा झाली आहे. एअरटेलने अलीकडेच आपल्या प्रीपेड पोर्टफोलिओमध्ये बदल करत ₹299 सह काही लोकप्रिय प्लॅन बंद केले आहेत. त्यामुळे 28 दिवसांच्या डेली-डेटा श्रेणीमध्ये ₹349 चा प्लॅन हा सुरुवातीचा पर्याय ठरला आहे. दुसरीकडे, जिओने आपला विद्यमान ₹299 चा प्लॅन सुरूच राहणार असल्याचे स्पष्ट केले आहे. अशा परिस्थितीत, जिओ प्राइमच्या माध्यमातून वर्षभरासाठी सध्याची किंमत लॉक करण्याचा पर्याय ग्राहकांसाठी विशेष महत्त्वाचा ठरतो.
जिओ प्राइम हा कोणताही नवीन किंवा अनिवार्य रिचार्ज प्लॅन नाही. प्राइम सदस्यत्वासोबत एकूण ₹600 किमतीचे दोन कॅशबॅक व्हाउचरही मिळणार आहेत. यापैकी ₹300 चे एक व्हाउचर नवीन जिओहोम किंवा जिओPC कनेक्शन घेण्यासाठी, तर दुसरे ₹300 चे व्हाउचर कुटुंबातील सदस्य किंवा मित्रासाठी नवीन जिओ सिम घेण्यासाठी वापरता येईल. याशिवाय, प्राइम सदस्यांना नवीन जिओ उत्पादने आणि सेवांचा अर्ली अॅक्सेस तसेच स्वतंत्र माध्यमातून प्राधान्य ग्राहक सेवा (Priority Customer Support) मिळणार आहे.
